Pedagogik diagnostika

Касбий фаолиятни диагностика қилиш босқичлари:
1. Ўз-ўзини таҳлил қилиш ва зарур нарсаларни англаш;
2. Ўзини ривожлантиришни режалаштириш мақсад, вазифа белгилаш;
3. Ўзини намоён этиш ва камчиликларини тузатиш.
Ўқитувчининг диагностик фаолиятидаги махсус компетенциялар:

• 
  Фанига доир махсус методларни билиш;
  
• 
  Таълимни табақалаштириш;
  
• 
  Ўқувчилар эҳтиёжини билиш;
  
• 
  Турли ёш хусусиятларини билиш;
  

Ўзбек олими М. Очилов “компетенция” тушунчасини қуйидагича таърифлайди: “компетенция-билим, кўникма, малака, қадрият, бошқа шахсий сифатлар, ижобий натижаларни фаолиятда кўриниши¹”. Квалификация эса потенциал фаолиятда билим ва кўникманинг намоён бўлишидир. Демак, компетенция кўринишлари умумий ва махсус тарзда намоён бўлади.


Ўқитувчининг диагностик фаолияти кўринишлари:


1. Дунёқараш асносида яъни қадрият ва ўзини англаш-ўқитувчининг дунёқараши, тасаввури ва қадрияти билан боғлиқ равишда намоён бўлади. У атроф-муҳитдаги воқеа ва ҳодисаларни моҳиятини кўра оалди ва тушунади бунга ўзини йўналтиради, педагог сифатида ўз фикрини асослай олади. Муаммо ечимини топа олади. Бу компетенция- ўқитувчининг ўқув ва бошқа фаолиятларидаги ўз-ўзини англаш механизмини таъминлайди.
2. Умуммаданий–миллий ва умуминсоний қадриятларга эга бўлиш; мамлакатнинг ижтимоий ҳаётида иштирок этиш; оиласига, урф–одатларга ҳурмат; ижтимоий кўнималарга эга бўлиш. Илм фаннинг инсон ҳаётига ва дунё ривожига таъсирини ангалай олиши ва ўқувчи ёшларга тушунтира олиши.
3. Ўқув ва билиш жараёни - ўқитувчининг мустақил билиш фаолияти. Мантиқий фикрлаши. Ўқув-билув фаолиятини баҳолаши, билим ва кўникмасини таҳлил қила олиши.
4. Маълумотга эга бўлиш - педагогик фаолияти, ўз фанига доир маълумотларни эгаллаш кўникмаси.
5. Мулоқотчанлик - тил билиши, турли хил инсонлар билан мулоқотда бўлиши, жамоада ўзига хос ўринда туриши.