Pedagogika- psixologiya fakulteti

Natijalarni tahlil qilish.
Tavsiya qilingan so‘zlar bilan tekshiriluvchining esda qoldirib yozgan so‘zlarini solishtiriladi va mantiqiy xotiraning koeffitsiyenti quyidagi formula bo‘yicha hisoblanadi:
K=m/n×100%
Bunda K – xotira koeffitsiyenti, m – to‘g‘ri esda qoldirilgan so‘zlar soni, N –tavsiya etilgan so‘zlar soni.
Ikkinchi bosqich.
Bunda ham xuddi birinchi bosqichdagidek ish ko‘riladi. Faqat tekshiruvchi ikkinchi qatordagi 15 juft so‘zlarni (har bir juft oralig‘ida 10 sekundlik tanaffus bilan) o‘qiydi. Oxirida yana 10 sekund tanaffusdan so‘ng tekshiriluvchi esda olib qolgan so‘zlarini yozadi va tavsiya qilingan so‘zlar bilan esda qoldirilgan so‘zlar taqqoslanib xotira koeffitsiyenti birinchi bosqichdagi kabi hisoblab chiqiladi, hamda jadvalda aks ettiriladi.


Mexanik xotiraning hajmi

Ikkinchi qatordagi so'zlar soni	Eslab qoldirilgan so'zlar soni	Mexanik xotira koeffitsienti

Har ikki bosqich natijalari asosida mantiqiy va mexanik xotiraning samaradorligi haqida xulosa chiqariladi.Inson xotirasining tiplari sof holda juda kam uchraydi. Ko`p hollarda ular bir-biri bilan qo`shilib ketgan bo`lib, ulardan biri boshqasiga nisbatan yetakchilik qilish mumkin.

Ana shu yetakchi xotira tipini aniqlash uchun qatorning ushlab qolingan a`zolari metodidan foydalaniladi. Bu metodning mohiyatiga ko`ra tekshiriluvchiga qator so`zlar o`qib beriladi, so`zlardan esda qoldirilganlarini qayta esga tushirib aytib berishi kerak. Xotirada qoldirilgan so`zlar soni (m) ni hisoblab, qayta esga tushirish koeffitsientini (Kv) topish mumkin.
K_v=m/n×100%
Yetakchi xotira tipini aniqlash uchun qo`zg`atuvchi material turli usulda ko`rsatilishii mumkin. (ko`rish, eshitish, yoki aralash). eksperimentator materialni ko`rsatishi, o`qib berishi, yoki tekshiriluvchiga materialni o`qib berilayotganda pichirlab takrorlab turishi, havoda qo`li bilan yozib turishiga ham ruxsat berilishi mumkin. Har bir sinovdan so`ng tekshiriluvchi eslab qolgan so`zlarini tartibidan qat`iy nazar varaqqa yozib chiqadi.
Tajriba natijalarini tahlil qilishda qayta esga tushirish koeffitsienti taqqoslanib, xotiraning yetakchi tipi haqida xulosa chiqarish mumkin.