Pedagogika va psixologiya kafedrasi

Enaga ega bo'lishi kerak bo'lgan asosiy fazilatlar:

1. 
   Bolalarga muhabbat. Har bir yaxshi enaga bolalarni yaxshi ko'radi. Bolani tushunish, eshitish va unga g'amxo'rlik qilish istagi unga bo’lgan sevgidan kelib chiqadi. Enaga qanday ilmiy darajaga ega bo'lishidan qat'iy nazar, bu bolaga yaxshi munosabatda bo'lishni kafolatlamaydi. Sovuqqonlik, begonalashish, shafqatsizlik haqida gapirmasa ham bo’ladi, bolaga tuzatib bo'lmaydigan ruhiy shikast yetkazishi mumkin.
   
2. 
   Odoblilik. Asosan, bu sifat hamkorlik jarayoni davomida ochiladi. Ammo ish boshlash uchun nomzod haqida iloji boricha ko'proq ma'lumot olish tavsiya etiladi: u qayerdan kelganligi, avval nima bilan shug'ullanganligini va enaganing videokuzatuvga munosabati qandayligini so'rang. Shuningdek, enagalikka nomzodning passport ma’lumotlarini bilish ham zarar qilmaydi.
   
3. 
   Javobgarlik. Enaga ish beruvchilar tomonidan belgilangan barcha ko'rsatmalarga rioya qilishi shart, masalan, rejimga rioya qilish, bolaning gigiyenasi va sog'lig'ini kuzatish. Agar bolalar kichkina bo'lsa, ularni xonada yolg'iz qoldirish mumkin emas. Agar to'satdan, shoshilinch ravishda hojatxonaga borish kerak bo'lsa, avval bolani mumkin bo'lgan jarohatlar va muammolardan himoya qilishi kerak.
   
4. 
   Hotirjamlilik va sabr. Ko'pincha itoatsiz, bezovtalanadigan va injiq bolalar bilan muomala qilishga to’g’ri keladi. Bunday vaziyatda enaga o'zini tuta olishi, hotirjamlikni saqlay bilishi va sabr qilishi lozim. U bolalarga tajovuz qilmasligi kerak, ayniqsa bolaga qo’l ko’tarmasligi lozim.
   
5. 
   Chidamlilik. Bu sifat ayniqsa, yosh bolalar bilan ishlashda juda muhimdir. U chaqaloq bilan faol o'yinlar o'ynay olishi yoki yetarlicha sayr qila olishi enaganing tuzilishi va uning sog'lig'iga bog'liq.
   

Enaga-har qanday yoshdagi kasb. Yaxshi enaga juda yosh qiz yoki keksa ayol bo'lishi mumkin. Agar siz enaganing ishi haqida o'ylayotgan bo'lsangiz, sizning yoshingiz hech qanday to'siq bo'lmaydi, asosiysi, sog'liq holatingiz bolalarni parvarish qilish uchun yetarli vaqt ajratishga imkon bersa bo’ldi. Ammo sizning ish majburiyatlaringiz aniq nima bo'lishini va sizga qanday mas'uliyat yuklanishini oldindan tushunish juda muhimdir.⁴
Bugungi kunda ota-onalarga bolalarini parvarish qilish uchun enaga topish umuman qiyin emas. Biroq, siz bilan suhbatda munosib bo'lib tuyulgan enaga ish jarayonida ota-onalarga mos kelmaydigan fazilatlarni namoyon etadigan holatlar tez-tez uchraydi. Natijada, siz yollangan enaganing kamchiliklariga dosh berishingiz yoki uning o'rniga boshqa enagani qidirishingiz kerak. Ko'pgina oilalar uchun ularga to'liq mos keladigan enagani topish juda qiyin.
Keling, ota-onalarning talablari va istaklarini umumlashtirishga harakat qilaylik, ular o'z farzandlariga mos keladigan enagada nimani ko'rishni xohlashadi.