Pedagogning kommunnkativ ko‘nikmalarini rivojlantirish reja: Kommunikativ ko‘nikma-muloqot haqida tushuncha

Ikkala qo‘l barmoqlarining stol ustida yoki o‘tirgan odam uchun tizzada chalishtirilishi. Hatto odam jilmayayotgan yoki quvnoq ovozda so‘zlayotgan bo‘lsa-da, ushbu holat hafsalaning pir bo‘lganligi va jahlni yashirishga harakat qilayotganligidan darak beradi.
“Piramida” jesti
O‘z-o‘ziga ishonch “Men hammasini bilaman” degan ma’noni bildiradi, o‘z qo‘l ostidagilar bilan gaplashayotgan rahbar yoki boshqalarga yo‘l –yo‘riq ko‘rsatayotgan kishilarga xos harakat.
Agressiya
Ko‘zoynak ustidan qarash kechayotgan hodisalarga tanqidiy munosabatni anglatadi, suhbatdoshni himoyalanishga va o‘z-o‘zini oqlashga majbur etadi.
Ko‘zoynak tutqichini tishlash
Vaqtni cho‘zishga intilish. Tinchlantiruvchi jest. Kashandalar bu maqsadda sigaretadan foydalanishadi, bolalar barmog‘ini so‘ra boshlaydi.
Fikrlash
Chuqur mulohaza, o‘z fikr va tuyg‘ulariga g‘arq bo‘lish. So‘nggi qarorni qabul qilish arafasi.
Zerikish
Eshituvchi uxlab qolmaslik uchun boshini qo‘li bilan ushlab turadi. Boshning kaftga butunlay suyanib olishi qiziqishning umuman yo‘qligidan dalolat beradi. Ko‘pincha buning ustiga barmoq uchlari bilan stolni taqillatish yoki oyoqlarni qimirlatish, sabrsizlik, boshqa eshitishni xohlamaslikni namoyish etadi.Barmoqlar yarim bukilgan holda qo‘lning chekkaga yengil qo‘yilishi (bosh qo‘lga suyanmasligi lozim) haqiqiy qiziqish paydo bo‘lganligidan dalolat beradi.
Tanqidiy baho
Eshituvchi tomonidan ko‘rsatkich barmoqning vertikal holatda chekkaga qo‘yilishi, shu bilan birga bosh barmoq iyakni tutib turishi uning so‘zlayotgan kishiga yoki umuman ushbu vaziyatga tanqidiy munosabatini bildiradi.

Tamaki tutunini pastga puflash
Tutunning pastga qarab yo‘naltirilishi, mazkur kishining salbiy emotsiyalarni his qilayotganligidan, vaziyatni negativ baholayotganligidan, sizdan biror –bir noxush narsada shubhalanayotgan yoki o‘zining qaysidir fikrini, maqsadini yashirishga harakat qilayotganligidan darak beradi. Agar kishi tamaki tutunini pastga qarab og‘iz chetidan chiqarayotgan bo‘lsa, bu uning vaziyatga o‘ta salbiy munosabatda ekanligi va uning sir boy bermaydigan kishi ekanligini bildiradi.