Peydjing anglishan tilinen alinip paging – shaqiriw

CDMA-2000 1XEV. Bul standart 1X standartinin’ ja’nede quramalilasqan tu’ri esaplanadi. Onin’ ja’rdeminde chastotali spektrlerden ja’nede na’tiyjelirek paydalaniwg’a erilismekte, mag’liwmatlardi uzatiwdin’ o’tkeziw qa’bilyeti artpaqta, ha’m 1,25 MHz chastotalar polosasinda informatsiyalardi uzatiwdin’ en’ joqari tezligi 2 den 5 Mbit/s jetkizilmekte. Bunda operatorliq kompaniyalardin’ qa’wipi kemeydi ha’m olardin’ capital qarjilari qorg’aladi. Operatorlardin’ 1XEV bolg’an iqtiyaji quramalilastiriwinin’ eki etabin ko’rsetedi. Birinshi etap, dawaminda informatsiyalardi na’tiyjelik usilda uzatiw ushin mag’liwmatlardi uzatiw tezligin 2,4 Mbit/s ten ko’birekke jetkeziw talap etiledi. Ekinshi etapti a’melge asiriwda dawislardi ha’m mag’liwmatlardin’ uzatiw tezligi real waqit masshtabina jetkiziledi.
CDMA-2000 3X. Bul CDMA-2000 standartinin’ ekinshi fazasi. Bul fazadag’i quramalilastiriwdin’ 1X ke erisilgen informatsiya uzatiw tezligine qarag’anda birqansha ko’birek boliwin ta’miynleydi,yag’niy 2 Mbit/s ge shekem tezlikte uzatiwdi ko’p kanalli sistemadan paydalaniw joli menen erisiledi. 3X dep ataliw 3XRTT texnik atamadan kelip shiqqan, yag’niy 3G xizmetlerin a’melge asiriw ushin 1,25 MHz li u’sh kanalinan an’latiladi.
CDMA-2000 nin’ sheshimi 450 MHz diapazonda telekommunikatsiyanin’ universal xizmetlerinin’ a’melge asiriw ushin tiykar boliwi mu’mkin. Ma’selen, O’zbekstannin’ pu’tin territoriyasi boyinsha a’sirese uzaqlasqan awil jerlerde dawislardi ba’lkim mag’liwmatlardi da uzatiw mu’mkin. Bunday halatta baylanisqa erisip g’ana qalmastan, ba’lkim mobil yaki qayt etilgen baylanis tarmaqlarin ken’eyttiriw bahasi joqarilig’i sebepli xaliqqa bunday xizmetlerdi ko’rsetiw imkani bolmag’an jerlerde de a’melge asiriw mu’mkin.
CDMA-2000 texnologiyalarinin’ a’sirese 450 MHz diapazoninda paydalaniw “electron hu’kimet” sistemasin du’ziwdi bir qansha jen’illestiriwi mu’mkin. Bul standarttin’ tu’rli usinis etiliwshi xizmetleri hu’kimet, ma’mleket qa’wipsizligi ha’m basqa orinlar ushin ga’rezsiz qollaniliwilarina iye. Bul texnologiya sanap o’tilgen abzalliqalarinan tisqari audentifikatsiyalaw, kodlastiriw ja’rdeminde uzatiwda informatsiyalardi qorg’awdin’ joqari da’rejesin ha’m mag’liwmatlardin’ pu’tinligin ta’miynleydi.