ESTETIK TARBIYA OMILLARI
San’at estetik tarbiya vositasi sifatida har bir shaxsga mo‘ljallanganligi bilan dunyoga keng va ochiq ko‘z bilan qarash tuyg‘usini shakllantirish, nafosatni bevosita mushoxada etishi, yuksak orzu-umidlar yo‘lida ijodkorlik qobilyatini vujudga keltirishi bilan izohlanadi.
Estetik tarbiyaning eng muhim vositasi sifatida san’at nafaqat badiiy qadriyatlarni idrok qilish, balki ularni yaratishni ham o‘z ichiga oladi. Badiiy qadriyatlarni yaratishga jamiyat a’zolarining, ayniqsa, yosh avlodning faol ishtirok etishi ularda estetik did-farosat va talab-ehtiyojlarning rivojlanishiga, ijodkorlik qobilyatlarini rag‘batlantirishga olib keladi.
Estetik tarbiya oldiga talaygina ulug‘vor vazifalarni qo‘ygan; bular:
- kishilarda san’at asarlari, badiiy ijod namunalarini nafaqat faol o‘zlashtirish balki, ularning estetik mohiyatini anglash va baxolash qobiliyatini takomillashtirish;
- jamiyat a’zolarining ijodiy imkoniyatlarini namoyon qildirish va ulardan foydalana bilishga ishonch tuyg‘usini uyg‘otish;
- tabiat hamda jamiyat ijtimoiy jarayonlariga sof tuyg‘u bilan munosabatda bo‘lishga va ularni ravnaq toptirish yo‘lida astoydil faoliyat olib borish ko‘nikmalarini xosil qilish;
- o‘tmish ma’naviy me’rosimizga hurmat xissini uyg‘otish, milliy g‘urur, milliy iftihor tuyg‘ularini shakllantirish uchun zamin yaratish;
- ijodning barcha turlarini taraqqiy ettirib jahonga yuz tutish va ularni millat manfaatlari uchun naf keltiradigan tomonlarini targ‘ib qilishga undashdek dolzarb vazifalardir.
Do'stlaringiz bilan baham: |
