Q. Yu. Nazirov kamondan oʻq otish
Download 2.05 Mb. Pdf ko'rish
|
DARSLIK 2023 йил октябр 2
|
Taqrizchilar: S.R.Davletmurodov – Oʻzbekiston Davlat jismoniy tarbiya va sport universiteti “Qishki sport turlari nazariyasi va uslubiyati” kafedrasi mudiri, pedagogika fanlari boʻycha falsafa doktori (PhD) dotsent. A.Abdullaev – Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Fargʻona filiali professori, pedagogika fanlari nomzodi. Darslik Oʻzbekiston Respublikasi ___________________________ vazirligining 2023-yil dagi _ sonli buyrugʻi bilan nashrga ruxsat berilgan. 4 KIRISH Mamlakatimizda amalga oshirilayotgan qator islohotlar zamirida xalqning turmush tarzini yanada yaxshilash, aholining barcha qatlamlarida maʼnan va jismonan sogʻlom muhitni yaratish, salomatlikni mustahkamlash gʻoyasi ilgari surilgan. Shu bois bugungi kunda jismoniy tarbiya va sportga eʼtibor davlat ahamiyatiga molik muhim ijtimoiy-siyosiy vazifaga aylanib ulgurgan. Jismoniy tarbiya va sport sohasida aholi keng qatlamini sport bilan shugʻullanishga va sogʻlom turmush tarzini yuritishga jalb etish, jismonan sogʻlom avlodni tarbiyalash, sport industriyasi va infratuzilmasini yanada kengaytirish, mamlakatimizning xalqaro sport maydonlaridagi yutuqlarini targʻib qilish va uning keng eʼtirof etilishiga qaratilgan yagona davlat siyosatini amalga oshirish asosiy vazifalardan biri hisoblanadi. Albatta hozirda yoshlarimiz istagan sport turi bilan shugʻullanishi va har qanday choʻqqini zabt etish imkoniyatiga ega. Buning uchun faqat izlanish, intilish va harakat boʻlsa bas. Albatta oʻzbek sporti oʻzining yuksak natijalari bilan mamlakatimiz shuhratini jahon hamjamiyati oldida tarannum etib kelayotganligi, minglab xalqaro standartlarga mos sport majmualari qad koʻtarayotganligi, yurtimizning turli hududlarida eng nufuzli xalqaro musobaqalarni oʻtkazib kelinayotganligi hukumatimiz tomonidan qabul qilinayotgan Farmonlar, Qarorlar hamda normativ-huquqiy hujjatlarning amaliy mahsulidir. “Jismoniy tarbiya va sport toʻgʻrisida”gi Qonun, “Oʻzbekistonda jismoniy tarbiya va sportni yanada rivojlantirish choratadbirlari toʻgʻrisida”gi qaror va shu sohaga oid boshqa konseptual hujjatlarni qabul qilinishi, ularni bosqichma-bosqich hayotga tatbiq etilayotganligi hamda “Taʼlim toʻgʻrisida”gi qonunda jismoniy tarbiya va sportga alohida urgʻu berilishi yuqorida qayd etilgan fikr ifodasidir. “Kamondan otish” – mashq va sport turi deb ataladi, yaʼni bu kamondan va oʻqdan foydalanishning amaliy yoʻnaltirilgan isteʼdodidan ortiqcha ekanligini anglatadi. Kamondan otishda oldindan belgilab berilgan nishonlar tomon oʻq otish talab qilinadi. Shuningdek kamon oʻqlari nishonga qay darajada urilganligi baholanadi. Ballar oʻqning nishonga borib urilgan joyiga qarab doiradagi aylana chiziqlari sohasiga bogʻliq. Oʻq uzishdan asosiy maqsad nishonga toʻgʻri urishdir. Kamondan oʻq otishni 5 oʻrganishda bir qator bosqichlardan oʻtiladi. Har qanday yangi boshlovchi shunchaki ushbu sport turini yaxshi bilishi mumkin, ammo uni oʻrganish, u bilan shugʻullanish va sportda mahoratli sportchi boʻlish uchun kamondan oʻq otishni tez-tez va doimiy va albatta murabbiylarning nazorati ostida mashq qilishlari lozim boʻladi. Oʻq otish istagida boʻlgan har qanday otuvchi ijodiy va va oʻzining ajoyib kuch sohibi ekanligiga ishonch hosil qilishi hamda maqsadni oldindan koʻra bilishi his qilmogʻi kerak. Bu har qanday kamonchi uchun oʻylashda birinchi qadam boʻlishi kerak. Nishonlar uzoq masofada joylashganligi hamda va haqiqatan ham oʻlchami kichik boʻlgani uchun, maqsadga erishishda kamonchidan nishonni his qilish, gʻayrat va kuchli energiya talab etiladi. Ushbularga erishishda, albatta doimiy ravishda va juda koʻp oʻz ustida ishlash lozim boʻladi. |
