Q. Yu. Nazirov kamondan oʻq otish

 
 
NAZORAT SAVOLLARI 

---

12 
1. Xavfsizlik choralarini koʻrish tartibi qaysilar? 
2. Asosan qayerlarda kamondan oʻq otiladi? 
3. Kamondan otish davrida asosan nimalarga qatʼiy amal qilinadi? 
4. Ochiq va yopiq inshootlarda kamondan otishda nimalarga eʼtibor qaratiladi? 
5. Oʻqlar va ular bilan ishlashda xavfsizlik choralari? 
6. Xavfsizlik qoidalarini buzganda qanday choralar koʻriladi? 
 
MUSTAQIL TAʼLIM UCHUN MAVZULAR 
 
1. Kamondan oʻq otish uchun asosiy xavfsizlik talablari. 
2. Ochiq va yopiq inshootlarda xavfsizlik qoidalari. 
3. Qurol bilan ishlash qoidalari. 
4. Xavfsizlik qoidalarini buzganlik uchun javobgarlik. 
 
II. KAMONDAN OTISH NAZARIYASI VA METODOLOGIYASIGA 
KIRISH. KAMONDAN OʻQ OTISH TARIXI. 
II.1. Kamondan oʻq otish haqida umumiy fikr.
Oʻtmishda ota-bobolarimiz juda qadimgi davlatchilik anʼanalariga ega boʻlgan 
boy maʼnaviyat va moddiy yodgorliklarni meros qoldirishgan. Ular chavandozlik, 
merganlik va yakka kurashning usullarini yaxshi egallagan edilar. Bugungi kunda 
asrlar davomida mardlik, bagʻrikenglik, olijanoblik va halollikning timsoli sifatida 
eʼzozlanib kelingan, oʻzbek xalqining tarixiy merosi – “Kamondan otish” sport turini 
rivojlanishiga alohida eʼtibor qaratilmoqda. Bugungi kunga kelib terma jamoalar 
xalqaro oʻquv-yigʻinlarda faol qatnashmoqdalar va turli mamlakatlarda oʻz 
malakalarini oshirib kelishmoqda. Albatta har bir yangi musobaqalar kamonchilarimiz 
uchun katta dars boʻlmoqda, shuning uchun biz keyingi nufuzli xalqaro musobaqalarda 

---

13 
Olimpiya va Paralimpiya sport musobaqalarida yutish va kamonchilarimizning 
mahoratini namoyish etish uchun katta imkoniyatlarga egamiz.
“Kamondan otish” – mashq va sport turi deb ataladi, yaʼni bu kamondan va oʻqdan 
foydalanishning amaliy yoʻnaltirilgan isteʼdodidan ortiqcha ekanligini anglatadi. 
Kamondan otishda oldindan belgilab berilgan nishonlar tomon oʻq otish talab qilinadi. 
Shuningdek kamon oʻqlari nishonga qay darajada urilganligi baholanadi. Ballar 
oʻqning nishonga borib urilgan joyiga qarab doiradagi aylana chiziqlari sohasiga 
bogʻliq. Oʻq uzishdan asosiy maqsad nishonga toʻgʻri urishdir. Kamondan oʻq otishni 
oʻrganishda bir qator bosqichlardan oʻtiladi. Har qanday yangi boshlovchi shunchaki 
ushbu sport turini yaxshi bilishi mumkin, ammo uni oʻrganish, u bilan shugʻullanish 
va sportda mahoratli sportchi boʻlish uchun kamondan oʻq otishni tez-tez va doimiy va 
albatta murabbiylarning nazorati ostida mashq qilishlari lozim boʻladi. Oʻq otish 
istagida boʻlgan har qanday otuvchi ijodiy va va oʻzining ajoyib kuch sohibi ekanligiga 
ishonch hosil qilishi hamda maqsadni oldindan koʻra bilishi his qilmogʻi kerak. Bu har 
qanday kamonchi uchun oʻylashda birinchi qadam boʻlishi kerak. Nishonlar uzoq 
masofada joylashganligi hamda va haqiqatan ham oʻlchami kichik boʻlgani uchun, 
maqsadga erishishda kamonchidan nishonni his qilish, gʻayrat va kuchli energiya talab 
etiladi. Ushbularga erishishda, albatta doimiy ravishda va juda koʻp oʻz ustida ishlash 
lozim boʻladi.