Qadimgi misr

Etnografiya nia’lumotlari. Misrliklar boshqa ko‘pgina qadimgi

Sharq xalqlari singari bir qancha qabilalarning sekin-asta aralashib

ketishi natijasida tashkil topgan. Qadimgi Misr xalqini tashkil qilgan

bu qabilalar Shimoliy va Sharqiy Afrikaning mahalliy qabilalaridir.

Misrdagi arxaik daviga mansub bo‘lgan kishilaming o‘ziga xos

haykalchalari, Misr hududidagi arxaik mozorlardan topilgan bosh

suyaklarini o‘lchab ko‘rish natijalari, shuningdek, qadimgi Misr tipining

somali va boshqa qabilalarning tipiga birmuncha o‘xshab ketishi

eng qadimgi misrliklarning tropik Sharqiy Afrikadagi qabilalar bilan

qarindoshligini ko‘rsatadi. Qadimgi Misr tasvirlariga ko‘ra Sharqiy

Afrikada (Punt mamlakatida) yashagan qadimgi qabilalar o'zlarining

tashqi qiyofalari bilan misrliklarga juda ham o'xshab ketadilar.

Qadimgi Misrdagi, samoviy sigir shoxli ayol qiyofasida tasvirlangan

hosildorlik ma’budasining tasviri hamda sersoqol, pakana xudo Bes tasviri

Misrning Afrika xalqlaming diniy e’tiqodlari bilan mahkam

bog‘langanidan dalolat beradi. Qadimgi Podsholikka oid yozuvda Nubiyadan

maxsus ≪xudo raqsi≫ ni bajaruvchi pakana odamning Misiga

keltirilganligi to‘g‘risida ma’lumot beriladi. Bundan tashqari, eng

qadimgi Misr qabilalari Shimoliy Afrikaning luviyalik qabilalari bilan

ham juda yaqin bo‘lganlar. Qadimgi Misr tili o‘zining ba’zi xususiyatlari

bilan Shimoliy Afrikadagi berber tillariga ham o‘xshab ketadi. Misrda va

Nil vo-diysini o'rab olgan baland togiiklarda o'tkazilgan arxeologik

qazishmalaming ko‘rsatishicha, o‘ziga xos Misr madaniyatini vujudga

keltiigan qabilalar qadimgi tosh davridan buyon Shimoliy-Sharqiy Afrikada

yashaganlar.