Qaraqalpaq til bilimi kafedrasí “HÁzirgi qaraqalpaq ádebiy tili”

MAZMUNÍ
Kirisiw...........................................................................................................3-7
I bap. Tilewbergen Jumamuratov shıǵarmalarında teńewlerdiń stillik qollanıwı

1. 
   Tilewbergen Jumamuratov shıǵarmalarında teńewlerdiń morfologiyalıq jol menen ańlatılıwı....................................................8-13
   
2. 
   Tilewbergen Jumamuratov shıǵarmalarında teńewlerdiń sintaksislik jol menen ańlatılıwı...…............................................................………..14-16
   
3. 
   Tilewbergen Jumamuratov shıǵarmalarında teńewlerdiń morfologiya-sintaksislik jol menen bildiriliwi...................................................……17-18
   

II bap. Tilewbergen Jumamuratov shıǵarmalarında epitetlerdiń qollanıwı
2.1. Tilewbergen Jumamuratov shıǵarmalarında epitetlerdiń ózine tán ózgeshelikleri..……………………………………………………………………………...………………19-20
2.2. Tilewbergen Jumamuratov shıǵarmalarında teńew hám epitettiń qatar jumsalıwı.................................................................................................……21-23
Juwmaqlaw...................................................................................................24
Paydalanılǵan ádebiyatlar............................................................................25

Kirisiw
Temanıń aktuallıǵı: Kórkem ádebiyattıń tili-milliy tildiń bir bólegi,onıń ayrıqsha bir kórinisi, sonlıqtan onı milliy tilden bólek shıǵarıp taslawǵa bolmaydı, ol til stilleri sistemasında ayrıqsha orınǵa iye. Sonlıqtanda kórkem shıǵarmanıń tilin, onıń basqa stillerden ayırmashılıqların hám ózine tán ózgesheliklerin úyreniw áhmiyetke iye.
Qaraqalpaq til biliminde kórkem shıǵarmanıń tilin boyınsha izertlewler az. Bul máseleniń kóplegen tárepleri ele arnawlı izertlewler talap etedi. Sonlıqtanda kórkem shıǵarmanıń tilin, ondaǵı til qurallarınıń ózine tán ozgesheliklerin, jazıwshınıń jeke dóretiwshiligin anıqlaw úlken áhmiyetke iye, sebebi bul arqalı jazıwshınıń sheberligi , ádebiy tildi rawajlandırıwdaǵı úlesi, onıń jeke stili kórinedi.
Kórkem ádebiyat tili - qaraqalpaq til biliminde ele shekem arnawlı túrde izertlew qolǵa alınbaǵan, az izertlengen máselerdiń biri. Bul jerde kórkem ádebiyat tilin úyreniwdiń eki tárepi bar ekenin aytıp ótiwimiz kerek.1) til tarıyxı ushın úyreniw; 2)stilistikalıq maqsette úyreniw;
Birinshi jaǵdayda, kórkem shıǵarmadan alınǵan mısallar ádebiy tildiń leksikasın hám grammatikalıq rawajlanıw barısın kórsetiw ushın paydalanıladı. Bul jazıwshınıń tilin, stilin úyreniw ushın áhmiyetli.
Al,ekinshi jaǵdayda, ádebiy shıǵarma tiliniń ózine tán ózgeshelikleri ashıp beriledi, onıń tiliniń áhmiyetli, obrazlı, sapalıq belgileri sıpatlanadı, shıǵarmadaǵı kórkem sóz dóretiwshilik nızamlıqları anıqlanadı.