Qaraqalpaq til bilimi kafedrasí “HÁzirgi qaraqalpaq ádebiy tili”

Jumıstıń izertleniw obyekti hám predmeti. Kurs jumısımızdıń izertleniw obyekti T.Jumamuratovtıń “Júrek muhabbatı” (1956), “Tolqında” (1970), “Kiyiktiń eki ılaǵı” (2015), “Aralǵa keldim oralıp” (2015) toplamları bolsa, al, predmeti toplamlarındaǵı shıǵarmalarınıń til ózgesheliklerin, olarda qollanılǵan teńew, epitetlerdiń obrazlıq, ekspressivlik xizmetin analizlew bolıp tabıladı.
Izertlewdiń teoriyalıq hám ámeliy áhmiyeti.Kurs jumısımızdıń ilimiy teoriyalıq juwmaqları hám ilimiy izertlew barısında materiallar jıynaw hám onı ámelde paydalana alıw bolıp esaplanadı. Jumıstıń maqseti hám wazıypalar. Kurs jumısımızdıń maqseti T.Jumamuratov shıǵarmalarında teńew, epitetlerdiń qollanıw ózgesheligin anıqlaw. Sol tiykarda maqsetke erisiw ushın tómendegi wazıypalardı aldımızǵa maqset etip qoydıq.
- Tilewbergen Jumamuratov shıǵarmalarında teńewlerdiń morfologiyalıq jol menen ańlatılıwın úyreniw;
- Tilewbergen Jumamuratov shıǵarmalarında teńewlerdiń sintaksislik jol menen ańlatılıwın úyreniw;
- Tilewbergen Jumamuratov shıǵarmalarında teńewlerdiń morfologiya- sintaksislik jol menen ańlatılıw ózgesheligi;
- Tilewbergen Jumamuratov shıǵarmalarında epitetlerdiń ózine tán ózgesheliklerin anıqlaw;
- Tilewbergen Jumamuratov shıǵarmalarında teńew hám epitettiń qatar jumsalıwın úyreniw;
Izertlewdiń metodologiyalıq derekleri ham metodı: Kurs jumısımızdıń aldın qoyǵan wazıypaların orınlawda T.Jumamuratovtıń “Júrek muhabbatı” (1956), “Tolqında” (1970), “Kiyiktiń eki ılaǵı” (2015), “Aralǵa keldim oralıp” (2015) toplamları, E.Bekbergenovtıń “Qaraqalpaq tiliniń stilistikası”, Sh.Ábdinazimovtıń “Berdaq shıǵarmalarının tili”, G.Qarlıbaevanıń “Ájiniyaz shıǵarmalarının tili ” hám taǵı basqalardıń miynetleri jumısımızdıń teoriyalıq-metodologiyalıq derekleri sıpatında basshılıqqa alındı.
Jumıstıń qurılısı. Kurs jumıs «Kirisiw», «Juwmaq» bólimleri hám paydalanılǵan ádebiyatlar diziminen tısqarı eki baptan turadı. Kólemi 25 bet.

I bap. Tilewbergen Jumamuratov shıǵarmalarında teńewlerdiń stillik qollanıwı