Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

24-shınıg’ıw. To’mendegi tekstti tallan’. Ondag’ı sinonim affikslerdi anıqlan’.
Aqır-son’ı, eki patsha bir-birine elshi jallap urıstı waqıtsha toqtaptıp, suw tabıw jo’ninde ma’sla’ha’tlesedi. Aynalag’a shabarmanlar jiberedi (T.Q.). Ta’g’dirge ta’n bermek kerekdur (Sh.S.). A’ne, usılar u’stinde oylanıw kerek (T.Q.). Ol endi men sebepli biyabıray bolıp qala ma? (T.Q.). Biraq joldan o’tip baratırg’an mashinalar esapsız ko’p edi (T.Q.). Bunday naqolaylıqtın’ aldınalıw ushın, a’llekim sag’an «Kimsen’?» demesten burın o’zin’e-o’zin’ «Kimsen’?» degen soraw qoyıp jasag’anın’ maqul eken (T.Q.). Patshag’a arzı menen barmaydı, al patsha keshegi sadıq xızmetkerinin’ halı qalay bolıp atırg’anın sorastırmaydı (T.Q.). Usı Sa’rsenbaydın’ Xatsha mashınshı degen anası bar (M.N.). Qazıwshılarg’a ko’terilis jasatıwın’ız mu’mkin edi (Sh.S.). A’piwayı bir traktorshının’, a’piwayı bir paxtakeshtin’ kishkene g’ana sada qızı bu’ginligi Amerikada ju’redi dep sira’ oylappan ba? (M.N.).
25-shınıg’ıw. To’mendegi tekstten omonim affiksleri bar so’zlerge tallaw jasan’.
Geyde dana «Aqılsızsan’» desen’ kewilli ku’ledi, al aqmaqqa «Aqılsızsan’» desen’ basın’a ba’le satıp alg’anın’ (T.Q.). Bir jola joralarıma erip mag’an biytanıs u’yge qonaqqa barg’an edim (T.Q.). Sulayman patsha solar menen islesip, ilim sorag’ang’a ilim, baylıq sorag’ang’a baylıq, ma’rtebe sorag’ang’a ma’rtebe berip qaytarıp otıradı (T.Q.). Du’kanshıg’a sonı aytqısı kelip turdı da, ar-namıs basımlıq etti, ayta almadı (M.N.). Yag’aw, sin’lim. Qara ku’shimdi satıp ne qılayın (M.N.).
26-shınıg’ıw. So’z jasawshı morfeması bar so’zlerdi anıqlap, olardın’ ma’nilerine tallaw jasan’.
Durıs, kewline bir awılda elge to’relik etetug’ın baslıqtan basqa adam joqtay (Sh.S.). G’awasha otag’ı olar ushın ku’nde bayramg’a shıqqanday. Azang’ı waqıtta uyqısı ashılg’ansha tum-tusına qaramay shan’g’ıtıp otaydı (M.N.). O’z qa’teligin’di aldı menen o’zin’ keshiriwin’de adamgershilikten emes (T.Q.). Qonag’ın’a sıylı tamaq tappasan’ dasturxan ornına ashıq ju’regin’ tursın (T.Q.). Bu’gingi ha’r bir adam bul jaqtı du’nyanın’ o’tmishinen estelik (T.Q.). Buxaralı bir sawdager Shımbayg’a ko’p kelip ju’rip, bir molla menen tanısadı ha’m qıyametlik dos bolıwg’a nan sındırısadı (T.Q.). Balalıq payıtlarındag’ı awıldag’ı bazar shorpalıq go’sh a’keliw ushın qalag’a baratug’ın anasının’ kelbeti ko’z aldına elesledi (M.N.).