67-shınıg’ıw. Berilgen ga’plerden kelbetliklerdi anıqlap, olardın’ stillik qollanılıwın tu’sindirin’.
Piste murın, badam qabaq, ken’ qushaqlı, aq tamaq, hinji tisli, peri tu’sli, dan’qı tu’sken ja’ha’nge («Qırıq qız»). U’yge orta boylı, biyday ren’, adıraq ko’zlew, at jaqlı, ju’zi su’ykimli, jası on altı-on jetilerdegi bir bala kirip keldi (S.X.). Qızına jen’il-jelpi sawg’a-sa’lemler de a’perip turadı (K.A.). O’ksip qu-shaqlap sol o’li dilbardı, ... Ulı dep: «o’rt shalg’an o’zegim me-nen, Qalaman bul jansız na’zelim menen» (I.Yu.). A’jag’am juwas adam bolg’an menen jengem awızlı (J.S.). Qıtay taypası qızıl tildi qılıshqa awmastıratug’ın dilwar boldı. Sonın’ ushın da miymanlardı ızgarlı keyip penen qarsı aldı (K.M.). Ashshı-ashshı so’zlerdi aytıp jiberiwge sa’l qaldı (K.A.). Usı suwıq xabardı esitip janımdı jep, tisimdi qayrap ju’rmen (J.S.).
68-shınıg’ıw. Ga’plerdegi kelbetliklerdi anıqlap, olardın’ da’rejelerine ha’m ma’nilerine tallaw jasan’.
Qolı paxtaday jup-jumsaq eken (K.S.). Ustazının’ Begjan usta og’ırı jaqsı adam eken (T.Q.). Jalın a’dewir ko’terilgen waqıt ol bo’ktergisindegi qarjındı a’kelip, adamlardın’ ortasına u’lken-u’lken nandı qoydı. G’arrı birinshi ret jigittin’ qap-qara tınıq ko’zlerin ko’rdi (S.S.). Aysholpannın’ qulag’ına bul ses og’ada jag’ımlı esitildi (J.A.). Jo’nsiz qırıq ku’n qayg’ı-uwayım shekkennen, Densawlıqta bir ku’n shadlıq jaqsıraq (Berdaq). Talap islep tap du’nyanı, Su’tten aqdur, bilsen’ anı (Berdaq). Qızdın’ qop-qoyıw, qıyılg’an qara qasları do’p-do’n’gelek ko’zlerine sa’n berip, aq ju’zine jarasıp tur (O’.A.). Juwsa, ketpes aq ju’zin’nin’ qarası (A.Muw.). Mine men atamnın’ wa’siyatı menen kelisken bir nayza sog’ıp atırman (A.Bek.). Bir waqıtları aspan a’leminin’ ko’gildir qon’ır jiyegin jarıp quyashlı ku’n shıqtı (A.Bek.).
SаnlIq
§ 31. Sаnlıqlаrdın’ mа’nisi hа’m
Do'stlaringiz bilan baham: |
