Qarshi davlat universiteti tarix fakulteti

Savol va topshiriqlar 
1. O‘zbekistonning tinchliksevar tashqi siyosati va uning jahon hamjamiyati tomonidan tan 
olinishi haqida so`zlab bering? 
2. O‘zbekiston Respublikasining BMTga a’zo bo‘lishi va jahon hamjamiyatidagi o‘ziga xos
o‘rni haqida gapirib bering? 
3. O‘zbekistonning Yevropa Ittifoqi mamlakatlari bilan istiqbolli hamkorliklari to`g`risida 
nimalarni bilasiz? 
4. O‘zbekistonning geosiyosiy va geoiqtisodiy o‘rni deganda nimani tushunasiz? 
5. O‘zbekistonning SHHT bilan, Markaziy Osiyodavlatlari bilan shartnomalari, hamkorligi 
haqida so`zlab bering? 
 
 

---

199 
14-mavzu.Harakatlar strategiyasidan – taraqqiyot strategiyasi sari. 
Reja: 
1. 2017-2021-yillarda Oʻzbekiston Respublikasini rivojlantirishning beshta ustuvor 
yoʻnalishi boʻyicha Harakatlar strategiyasininghayotga tatbiq etilishi. 
2.Yangi O`zbekistonning taraqqiyot strategiyasining mazmun-mohiyati va ustuvor 
yo`nalishlari. 
2017-2021-yillarga moʻljallangan strategiyadan koʻzlangan maqsad – olib borilayotgan 
islohotlar samarasini yanada oshirish, davlat va jamiyat rivojini yangi bosqichga koʻtarish, 
hayotning barcha sohalarini liberallashtirish, mamlakatimizni modernizatsiya qilish boʻyicha 
eng muhim ustuvor yoʻnalishlarni amalga oshirishdan iborat. 
Xujjatda qayd etilishicha, mamlakat bosib oʻtgan taraqqiyot yoʻlining chuqur tahlili 
bugungi kunda jahon bozorida konyunktura oʻzgarib, raqobat tobora kuchayib borayotganini har 
tomonlama hisobga olishni, shu asosda davlatni yanada barqaror va jadal surʼatlar bilan 
rivojlantirish uchun mutlaqo yangicha strategik yondashuv va tamoyillarni ishlab chiqish va 
amalga oshirishni taqozo etmoqda. 
 
I. Davlat va jamiyat qurilishi tizimini takomillashtirishning ustuvor yoʻnalishlari. 
1.1. Demokratik islohotlarni chuqurlashtirish va mamlakatni modernizatsiya qilishda Oliy 
Majlis palatalari, siyosiy partiyalarning rolini yanada kuchaytirish: davlat hokimiyati tizimida 
Oliy Majlisning rolini oshirish, uning mamlakat ichki va tashqi siyosatiga oid muhim vazifalarni 
hal etish hamda ijro hokimiyati faoliyati ustidan parlament nazoratini amalga oshirish boʻyicha 
vakolatlarini yanada kengaytirish; 
qonun ijodkorligi faoliyatining sifatini qabul qilinayotgan qonunlarni amalga oshirilayotgan 
ijtimoiy-siyosiy, ijtimoiy-iqtisodiy
va sud-huquq isloxotlari jarayoniga taʼsirini kuchaytirishga yoʻnaltirgan holda tubdan 
oshirish; siyosiy tizimni rivojlantirish, davlat va jamiyat hayotida siyosiy partiyalarning rolini 
kuchaytirish, ular oʻrtasida sogʻlom raqobat muhitini shakllantirish.