Qishloq xo‘jalik mahsulotlarini qayta ishlash va saqlash jihozlari

17-rasm. Universal kolibrlovchi mashina:
1 - stanina, 2 - kolibrlovchi uzel, 3 - fraksion transportyor, 4 - chiqindilar uchun transportyor, 5 - elevator, 6 - elektrodvigatel.
Ish bo‘yicha hisobot:
Topshiriq. Transportyorning ishlab chiqarish quvvatini yuqorida berilgan formuladan foydalanib toping.
Nazorat savollari:

1. 
   Saralash, inspeksiya va kolibrlash jarayonlarining maqsadi nima?.
   
2. 
   Saralash konveyerlarini tavsiflang.
   
3. 
   Inspeksion konveyerlarni ta’riflang.
   
4. 
   Saralash va inspeksion konveyrlarning o‘zaro farqi nimada?
   
5. 
   Kolibrlash mashinalarining turlarini bilasizmi?
   

5 – AMALIY MASHG‘ULOT
DON VA MOYLI URUG‘LARNI ARALASHMALARDAN TOZALASH QURILMALARI O‘RGANISH.
Ishning maqsadi: don va moyli urug‘larni aralashmalardan tozalash qurilmalarining konstruksiyasi va ishlash prinsipini o‘rganish.
Kerakli asbob va jihozlar: elak, 2 kg don, BIS-1 qurilmasi, chelak, ishchi doska, shpatel.
Nazariy ma’lumotlar: Don va moyli urug‘larni qabul qilish va tozalash yog‘ olish tizimida barcha operatsiyalardan oldinda turadi. Yog‘li urug‘larni begona aralashmalardan tozalash ularni sifatli saqlash va qayta ishlashni ta’minlash uchun zarurdir. Yog‘li urug‘larni (paxta chigitidan tashqari) mineral va organiq qo‘shimchalar va ferromagnit aralashmalardan tozalash uchun aerodinamik, elakli va magnitli separatorlar qo‘llaniladi.
Separatorlar. Separator metall staninadan iborat, unga tekis prujinalarda ustma-ust pastki va yuqorigi panjarali (elakli) kuzovlar osiladi. Har bir kuzov ikki qator elakga ega: yuqorigi - saralovchi, pastki – elovchi. Separatorlar (ZSM-50 va ZSM-100) birinchi va ikkinchi marta tozalash uchun, hamda urug‘larni fraksiyalar bo‘yicha kolibrlash (mayda va yiriklarga ajratish) maqsadida ishlab chiqarishning texnologik sxemalarida qo‘llaniladi. Kolibrlash urug‘larni keyingi qayta ishlashda – ularni chaqish va elashda unumdorlikni oshirishga imkon beradi.