Qoqshol qo`zg`atuvchisi

Laboratoriya tashxisi. Bemorga laboratoriya tashxisi qo`yish uchun mikroskopik, bakteriologik, biologik va neytrallash usullaridan foydalaniladi. Tekshirish uchun ezilgan nekrozga uchragan to`qima, shish ichidagi suyuqlik, bog`lov materiali, jarrohlik ipagi, ketgut, kiyim, tuproq va boshqa materiallar olinadi. Tekshirish bir necha bosqichda olib boriladi. Yara selidan surtma tayyorlab, bo`yab, mikroskop ostida ko`rilganda qo`zg`atuvchi va uning kapsulasi topiladi. Tekshirilishi lozim bo`lgan materialni maxsus oziq muhitga ekiladi, sof kultura ajratib olinib, uni morfologiyasi, kapsula hosil qilishi, harakati va fermentativ xususiyatlariga ko`ra identifikasiya qilinadi. Toksinni aniqlash uchun oq sichqonga bulonda o`stirilgan kulturaning filtrati yoki bemorning qoni yuboriladi. Oq sichqonlarga toksinni antitoksin bilan qo`shib yuboriladi, neytrallash usuli.
Davosi va profilaktikasi. Gazli anaerob infeksiyaning rivojlanmasligi uchun dastlab o`z vaqtida bemorga to`liq jarrohlik yordami ko`rsatiladi, so`ng profilaktika maqsadida bemorga C.perfringens, C.novyi, C.septicum larga qarshi polivalent antitoksin zardob “Diaferm 3” yuboriladi. Yarali infeksiyaga qarshi antibiotiklardan streptomisin, penisillin, sefalosporin, biologik preparatlardan stafilokokka qarshi plazma, gamma-globulin buyuriladi, ayrim hollarda jarrohlik usuli ham qo`llaniladi. Endogen anaerob infeksiyalarda (peritonit, sepsis va boshqalar) metranidazol va rifampisinlar ishlatiladi. Davolashda faglardan va kislorod-terapiya usulidan foydalanish mumkin. Anaerob infeksiyalarga qarshi maxsus profilaktika usullari hali ishlab chiqilmagan. Bemorga jarrohlik yordami ko`rsatilgandan so`ng profilaktika maqsadida oz miqdorda polivalent antitoksik zardob yuboriladi.

GRAM-MANFIY SPORALARINI HOSIL QILMAYDIGAN ANAEROB BAKTERIYALAR

Bakteroidlar
Bacteroides oilasiga 40 dan ko'proq turlari kiradi, ulardan odamlarda yallig'lanish jarayonlarini keltirib chiqaruvchi eng ko'p patogenlari B. fragilis va V. melaninogenicus hisoblanadi.