Qurilish moddiy texnika ta'minotini tashkil etish tizimida logistika reja

Qurilishda narx shakllanishi va smeta ishi

Qurilishda narx shakllantirish uchun resurslarni smetali me’yorlashning asosiy vazifalari Narxlarni shakllantirish uchun resursli smeta normativlar tizimi «Iqtisodiy normativlar» quyi tizimining shaharsozlik normalari va qoidalarini, hamda qurilish uchun zarur bo‘lgan resurslar hajmini aniqlash uchun kerak bo‘lgan va O‘zbekiston Respublikasi Davarxitektqurilishi tomonidan tasdiqlanadigan boshqa resursli smeta normativlarni o‘z ichiga oladi.

Resursli smeta normativlar bu – alohida to‘plamlarga jamlanuvchi resursli smeta normalar kompleksining umumlashtirilgan nomi. Zarur talablarni o‘z ichiga oladigan qoida va nizomlar bilan bir qatorda ular turli xildagi bino va inshootlar qurilishiga, rekonstruksiyasiga, kengaytirilishiga, texnik qayta jihozlanishiga va ta’mirlanishiga sarflanadigan resurslarni xolis baholash uchun hizmat qiladi.
SHNQning 4-ost tizimidagi asosiy qoida va nizomlariga oydinlik kirituvchi hujjatlar smeta resurs hujjatlarini tayyorlashda foydalanilishi kerak bo‘lgan yo‘riqnoma, metodik ko‘rsatmalar, qo‘llanma va boshqa materiallar ko‘rinishida qo‘shimcha sifatida chiqarilishi mumkin.
Qurilishda narx shakllantirish uchun resusrlarni smetali me’yorlashning asosiy yo‘nalishi bu - qurilishda narx shakllantirish uchun resusrli smeta normativlar tizimi orqali turli xildan bino va inshootlar qurilishi (rekonstruksiyasi, kengaytirilishi, texnik qayta jihozlanishi va ta’mirlanishi) uchun zarur bo‘lgan resurslarga bo‘lgan ehtiyojni xolis baholashdir.
Zarur hollarda resursli smeta normativlardan alohida loyihaviy echimlarni taqqoslash va iqtisodiy baho berish uchun, hamda kapital qo‘yilmalardagi tuzilmaviy o‘zgarishlar tahlilida foydalanish mumkin.
Qurilishda narx shakllantirish uchun zarur smeta normativ xujatlar tizimiga kiruvchi resursli smeta normativlarning turlari Qurilishda normativ hujjatlar tizimi quyidagilarga bo‘linadi:

• 
  respublika miqyosidagi
  
• 
  davlatlararo
  
• 
  boshqarmaviy
  

Qurilish bahosini aniqlash uchun resurs normativlarini ishlab chiqish va undan foydalanish qoidalarini o‘z ichiga oladigan «Iqtisodiy normativlar» SHNQ 4ning quyi tizimi bilan birgalikda normativlar resusrlarni smetali me’yorlash metodologiyasini xosil qiladi.
Bularning barchasi respublika miqyosidagi, davlatlararo va boshqarmaviy resurs normativlari 1-ilovada keltirilgan, qurilishda narx shakllantirish va me’yorlash tizimining resursli smeta-normativ bazasini tashkil qiladi.
Respublika miqyosidagi normativlar «Iqtisodiy normativlar» SHNQ 4ning quyi tizimiga kiruvchi, O‘zbekiston Respublikasi Davarxitektqurilishi tomongidan kuchga kiritiluvchi normativlarni o‘z ichiga oladi.
Ulardan O‘zbekiston Respublikasi xalq xo‘jalining turli sohalarida amalga oshiriladigan qurilishlarning bahosini aniqlashda foydalaniladigan resurslarning talab qilinadigan miqdorini aniqlashda foydalaniladi. Ushbu normativlarga shuningdek resursli elementli smeta normalari (RESN) ham kiradi.
Davlatlararo resurs normativlariga MDH davlatlarining standartlashtirish va texnik me’yorlash bo‘yicha Davlatlararo ilmiy-texnika xayati yordamida ishlab chiqilgan resusr normativlari kiradi va ular O‘zbekiston Respublikasi Davarxitektqurilish buyrug‘i bilan O‘zbekiston Respublikasi xududida kuchga kiradi.
Resurs normativlari qurilish bahosini resurs usuli bilan aniqlash talablariga mos bo‘lishi kerak.
Ular quyidaga talablarga javob berishi lozim:
-tizimning asosiy vazifalariga va qurilishda resursni me’yorlashga muvofiq bo‘lgan holda loyihalashning turli bosqichlarida narxni aniqlashga imkon berishi;
-turli resurslarni optimal sarfini, atrof tabiat muhitidan samarali foydalanishni, qurilish bahosini to‘g‘ri va aniq aniqlanishini ta’minlagan holda texnik va iqtisodiy jixatdan asoslangan bo‘lishi;
-qurilish texnikasi yutuqlarini va qurilish ishlab chiqarishining ilg‘or texnologiyalarini hisobga olgan holda qurilishning ilmiy-texnik rivojini rag‘batlantirishi;
-foydalanishda juda qulay va oddiy bo‘lishi, kompyuterlardan va boshqa avtomatlashtirish usullaridan keng foydalanish imkonini beradigan, hamda normativ hujjatlar hajmini qisqartirish imkonini berishi lozim.
Resursli smeta normativlar ishlab chiqilishi jarayonida, alohida normativlarda mavjud bo‘lgan xarajatlarni qayta hisoblash imkoni bo‘lmasligi kerak.
Resusrli smeta normativlarni ishlab chiqish uchun kerakli ma’lumotlarga quyidagilar kiradi:

• 
  loyihaviy materiallardagi eng muvofiq texnik echimlar;
  
• 
  zamonaviy fan va texnika yutuqlarini o‘zida mujassamlashtirgan qurilish ishlab chiqarishi texnologiyasi va qurilish mashinalari;
  
• 
  materiallar, mahsulotlar va konstruksiyalar hamda uskunalarga ta’luqli amaldagi normativlar;
  
• 
  qurilishda ishchilarga xaq to‘lash bo‘yicha amaldagi normalar va nizomlar.
  

Resursli smeta normativlar o‘z kuchini ma’lum vaqtgacha, O‘zbekiston Respublikasi Vazirlar Maxkamasi qarorlari asosida amalga oshiriladigan yangi smeta normativlariga kuchga kirguniga qadar saqlab turadi.
Qurilishda yangi smeta normalariga o‘tish xaqida qaror qabul qilinganida, O‘zbekiston Respublikasi Vazirlar Mahkamasi yangi kuchga kiritilayotgan smeta normativlari qanday ma’lumotlar asosida ishlab chiqilishi kerakligini va muvofiq normativlarni kuchga kirish sanasini belgilaydi.
Resurs smeta normasi deganda qurilish yoki montaj ishlari hamda konstruksiyalar uchun, odatda tabiiy (fizik) birliklarda yoki nisbiy shaklda (foiz, koeffitsient ko‘rinishida) qabul qilingan ko‘rsatkich uchun belgilangan resurslar majmuasi (ishchilar mehnat sarfi, qurilish mashinalarining ishlash vaqti, materiallar, mahsulotlar va konstruksiyalarga bo‘lgan ehtiyoj) tushuniladi.
Smeta normalaridagi resurslarning tarkibi va miqdori qurilish ishlab chiqarishi texnologiyasi va uni tashkil etish sohasidagi oxirgi yutuqlarga, montaj va qurilish tashkilotlarini texnik jixozlanishining zamonaviy talablariga javob berishi, qurilish sohasidagi ilg‘or tajribalarni, hamda samarali loyihaviy echimlarni, materiallarni, mahsulotlarni va konstruksiyalarni o‘zida aks ettirishi lozim.
Smeta normalarining asosiy funksiyasi – narx ko‘rsatkichlarga o‘tish uchun asos sifatida muvofiq turdagi ishlarni amalga oshirish uchun zarur bo‘lgan resurslarning normativ miqdorini aniqlashdir.
Resursli smeta normativlarni ishlab chiqish, muvofiqlashtirish va kuchga kiritish «Qurilishda normativ hujjatlar tizimi. Normativ hujjatlarni ishlab chiqish va tasdiqlash tartibi»da keltirilgan tartibga muvofiq ravishda amalga oshiriladi va mavjud qoidalarni hisobga olgan holda amalga oshiriladi.
YAngi resursli smeta normativlarni ishlab chiqish va ilgari amalda bo‘lganlarini qayta ishlash O‘zbekiston Respublikasi Davarxitektqurilishi tomonidan tasdiqlanadigan metodik hujjatlar asosida Davarxitektqurilishning va alohida investorlarning topshirig‘i bilan muvofiq normativ ishlar rejasi bo‘yicha amalga oshiriladi.
Loyihada (ishchi hujjatlarda) ko‘zda tutilgan konstruksiyalar va ishlar uchun amaldagi resursli elementli smeta normativlar to‘plamlarida normativlar mavjud bo‘lmagan hollarda, qurilish uchun resursli smeta hujjatlarini tuzuvchi loyihachi tashkilot loyiha (ishchi hujjatlar) tarkibida tasdiqlanadigan muvofiq resursli smeta normalarni ishlab chiqishi lozim.
Amalga kiritilishi zarur bo‘lgan resursli smeta normativlar loyihalari, ilmiy-tadqiqot va loyihachi tashkilotlarni jalb qilgan holda, O‘zbekiston Respublikasi Davarxitektqurilishining kapital qurilishda iqtisodiy islohotlar boshqarmasi tomonidan tayyorlanadi.
Resursli smeta normativlarni nashr qilish va qayta nashr qilish xuquqi, normativni tasdiqlovchi idoraga tegishlidir.
Tasdiqlangan resursli smeta normativlarni to‘plam ko‘rinishida nashr qilishga yo‘l qo‘yiladi. Bunda:
-to‘plam muqovali qilinishi, alohida hujjatlarni esa to‘plamga muqovasiz, ya’ni faqat titul varag‘ini qo‘yish bilan nashr etish kerak;
-to‘plamning muqovasiga unga kirgan barcha alohida hujjatlarning belgilarini kiritish lozim;
-to‘plamning pastki qismida betlarning raqamlari qo‘yib borilishi lozim.
Smeta normativlarini tasdiqlagan va kuchga kiritgan resursli smeta normativlarni ishlab chiquvchi tashkilotlar (bir nechta amalga oshiruvchilar mavjud bo‘lgan xolda
– ishlab chiquvchi tashkilotlar) va idoralar amaldagi normativlarni ilmiy-texnik darajasini aniqlash uchun ularni davriy ravishda tekshirib turishlari va ularni yangilash bo‘yicha takliflar tayyorlashlari zarur.
Amaldagi resursli smeta normativlarni yangilash qayta ko‘rib chiqish rejalariga muvofiq holda butunlay qayta ko‘rib chiqish yoki alohida o‘zgartirishlar kiritish (masalan: ularga nisbatan koeffitsientlar keltirish) yo‘li bilan amalga oshiriladi. Odatda bu, resursli smeta normativlarga o‘zgartirishlar yoki resursli smeta normativlar to‘plamlariga qo‘shimchalar ishlab chiqish yo‘li bilan amalga oshiriladi va ularni kuchga kiritish yangi normativlarni kuchga kiritish uchun belgilangan tartibda amalga oshiriladi.
Resursli smeta normativlar to‘plamlariga qo‘shimchalar, to‘plamlar rasmiylashtirilgani kabi rasmiylashtiriladi.
Resursli smeta normativlarni qayta ko‘rib chiqish, ularga o‘zgartirishlar va qo‘shimchalar kiritish uchun asos sifatida, tugallangan ilmiy-texnik yoki tajriba ishlarining natijalari, resursli smeta normativlar tuzish va qo‘llashning, smeta normativlar talablariga rioya qilish va ularni qo‘llanilishini nazorat qilishning milliy va xorij tajribasini o‘rganish, umumlashtirish xizmat qilishi mumkin.
Muvofiq resursli smeta normativlar to‘plamiga kiritiladigan har bir o‘zgarishga ro‘yxatdan utish tartib raqami beriladi. Smeta normativlari to‘plamiga qilingan har bir qo‘shimchaga quidagicha titul belgisi beriladi: «Soni (so‘ng tartib raqami keltiriladi)».
O‘zgartirishlar va qo‘shimchalarni ro‘yxatdan o‘tkazish va raqamlash, resursli smeta normativlar to‘plamlarini birinchi bor kuchga kiritishdagi kabi tartibda amalga oshiriladi.
Resursli smeta normativlarni ishlab chiqish va to‘g‘ri qo‘llashdagi mas’uliyat.