«Sug‘urta to‘lovlari» moddasida qishloq xo‘jaligi ekinlarining hosili va ko‘p yillik ekinlar, qishloq xo‘jalik hayvonlari, quyon, asalari oilalari va shu kabilar bo‘yicha davlat majburiy sug‘urta to‘lovlariga oid xarajatlar hisobga olinadi. Bu to‘lovlar tegishli ekinlarning tannarxiga bevosita olib boriladi. Bu moddada mahsulotni ishlab chiqarishda bevosita foydalaniladigan bino, inshoot, mashina, uskuna, inventor va boshqa asosiy vositalarning sug‘urta to‘ lovlari ham hisobga olib boriladi. Bunday sug‘urta to‘lovlari mahsulotni ishlab chiqarishga sarflanadigan xarajatlarga mutanosib ravishda ekin va mahsulot turlari bo‘yicha taqsimlanadi.
«Boshqa xarajatlar» moddasida mahsulotni ishlab chiqarishga bevosita daxldor, ammo yuqorida ko‘rib chiqilgan moddalardan birortasi ham kiritilmaydigan xarajatlar aks ettiriladi.
Dehqonchilik ishlab chiqarish xarajatlari va mahsulot kirimining dastlabki hisobi
Dehqonchilik ishlab chiqarish xarajatlarining dastlabki hisobi ularning alohida moddalari bo‘yicha quyidagi tartiblarga ko‘ra va guvohlik beruvchi boshlang’ich hujjatlar asosida yuritiladi (12.1 -jadvalga qarang).
Dehqonchilik ishlab chiqarishning pirovard natijasi bo‘lib yetishtirilgan mahsulotlar hisoblanadi. Mahsulot tannarxiga ularning kirim qilish-topshirish joyigacha qilingan xarajatlar kiritiladi. Mahsulotlarning kirim qilish-topshirish joyi quyidagilar hisoblanadi (12.2-jadval).
Dehqonchilik mahsulotlari kirimi quyidagi hujjatlar bilan rasmiylashtiriladi:
Do'stlaringiz bilan baham: |
