Ma’muriy-boshqaruv xarajatlari - qishloq xo'jaligi korxonalarini boshqaruv apparatini saqlashga doir xarajatlar, chunonchi, boshqaruv apparati xodimlariga hisoblangan ish haqi, ijtimoiy to' lov, amortizatsiya ajratmalari, xizmat safarlari, gazeta va jurnallarga obuna, kanselyariya tovarlari va boshqa shu kabi xarajatlar.
Boshqa operasion xarajatlar - qishloq xo'jaligi korxonalarining turli xayriya sifatidaberilgan mulkini hisobdan chiqarilishi, to'langan penya va jarimalar, ko'rsatilgan moddiy yordamlar, bank xizmatlari uchun to'lovlar, auditorlik tekshiruvlari va tiu'li konsalting xizmatlari uchun to'lovlar, sotish hajmiga nisbatan pensiya fondiga, maktab ta’limini rivojlantirish fondiga va avtoyo'l fondiga majburiy ajratmalar, sud xarajatlari, voz kechilgan debitorlik qarzlari va shu kabi boshqa xarajatlar.
Asosiy faoliyatdan olingan boshqa daromadlar - asosiy vositalar va boshqa aktivlar (nomoddiy aktivlar, qimmatli qog'ozlar, materiallar)ni sotishdan olingan foyda, joriy ijaradan olingan foyda, xizmat ko'rsatuvchi bo‘linmalardan tushumlar, voz kechilgan kreditorlik qarzlari, beg‘araz olingan moliyaviy yordam, inventarizatsiyada aniqlangan ortiqchalar va boshqa shu kabi qo‘shimcha daromadlar.
Moliyaviy faoliyatga doir daromadlar - dividend va foiz ko‘rinishidagi daromadlar, uzoq muddatli ijaradan olingan daromadlar, qimmatli qog‘ozlarni qayta baholashdan olingan daromadlar, xorijiy valutada ifodalangan balans moddalari bo‘yicha ijobiy kurs farqlari.
Moliyaviy faoliyatga doir xarajatlar - olingan kredit va qarzlar uchun to‘langan foizlar, uzoq muddatli i jara bo'yicha foizto'Iovlari. qimmatli qog‘ozlarni chiqarishga doir xara jatlar, xorijiy valutada ifodalangan balans moddalari bo'yicha salbiy kurs farqlari.
Sof foyda - jami daromadlardan barcha xarajatlar va soliq to‘lovlari ayirib tashlangandan keyin qolgan summa.
Do'stlaringiz bilan baham: |
