Рақамли иқтисодиёт

2.Ўзбекистон иқтисодиётининг инвестицияларни жалб этувчанлигини ошириш йўллари
Иқтисодиётимизга киритилаётган инвестицияларнинг йилдан-йилга ўсиб боришида юртимиздаги мавжуд инвестицион шароит ва қулай инвестиция мухити алоҳида аҳамият касб этаётганини таъкидлаш жоиз.
Ўзбекистон Республикаси Президенти Шавкат Мирзиёевнинг Олий Мажлисга Мурожаатномасида таъкидланганидек: “Биз 2018 йилга «Фаол тадбиркорлик, инновацион ғоялар ва технологияларни қўллаб-қувватлаш йили» деб ном бериб, Давлат дастури доирасида 21 триллион сўм ва 1 миллиард долларга тенг 76 мингта лойиҳани амалга оширганимиз ўтган йили яхши ният билан бошлаган ишларимизнинг натижасини кўрсатиб турибди.”⁷³. 
Ҳозирги замон бозор иқтисодиёти шароитида тижорат банклари муҳим инвестиция институти ҳисобланади. Чунки иқтисодиётни таркибий қайта қуриш ва модернизация қилиш, корхоналарда ишлаб чиқаришни технологиялар билан қайта жиҳозлаш мақсадида қўйиладиган инвестицияларни маблағлар билан таъминлашни банклар иштирокисиз тасаввур қилиб бўлмайди. 2019 йилги Инвестиция дастурига 17193 миллиард сўм маблағ айнан тижорат банклари томонидан кредит маблағлари ва бошқа қарз маблағлари иқтисодиётга йўналтирилиши кутилмоқда. Ушбу рақам умумий инвестицияларнинг 15,3 фоизини ташқил этади.
Мамлакатимизда инвестицион жараёнларни янада фаоллаштиришда банк тизимининг роли алоҳида аҳамият касб этиб бормоқда.
4.3.1‑жадвал маълумотларидан кўриниб турибдики, Марказий банк томонидан рўйхатга олинган кредит ташкилотлари сони 2019 йилнинг 1 март ҳолатига 2018 йилнинг шу даврига нисбатан 17 тага ёки 16,3 фоизга ўсган. Бу
даврда тижорат банклари сони 1 тага ёки 3,6 фоизга ортган. Шунингдек, нобанк кредит ташкилотлари сони ҳам 16 тага ёки 21,1 фоизга, давлат улуши бор акциядорлик тижорат банклари сони 2 тага ёки 18,2 фоизга кўпайган. Тижорат банкларининг филиаллари ҳамда мини‑банклар сони ҳам ўсиш тенденциясига эга. Булар, мос равишда, 0,7 ва 14,7 фоизга ошган. Банк


2.1‑жадвал
Ўзбекистон Республикасида кредит ташкилотлари ва банклар таркибий бўлинмалари⁷⁴
(бирликда)