“raqamli iqtisodiyot” kafedrasi boxodirov bunyod otasini ismi

3.3.3-расм. Суғурта компанияси инновацион фаолиятини ташкил этиш модели⁴⁷
Суғурта компанияси инновацион фаолиятини ташкил этишдан мақсад компаниянинг рақобатбардошлигини таъминлаш бўлиб, ушбу мақсадга эришиш учун қулай шароит яратиш, инновацион имкониятни ошириш ва рискларни камайтириш сингари вазифаларни белгилаб олади. Натижада суғурта компанияси рақамли технологияивлари, даромади ошади, ижтимоий ҳолати яхшиланади.
Тадқиқот ишида таклиф этилаётган суғурта компанияси инновацион фаолиятини ташкил этиш моделини компания фаолиятига татбиқ этиш учун, аввало, суғурта компанияси инновацион фаолиятни ривожлантириш бўйича муҳим йўналишни танлаб олиши ҳамда бевосита ва билвосита таъсир этувчи омиллар эътиборга олиниши лозим.
Хулоса қилиб айтсак, республикамизда интернет-суғуртани ривожланиб бориши истиқболли аҳамиятга эга бўлиб, бу истиқбол суғурта хизматлари бозори ҳажмининг катталигига боғлиқ. Миллий суғурта компаниялари фаолиятини комплекс автоматлаштиришда рақамли технологиядан фойдаланиш ва инновацион суғурта маҳсулотларини яратиш орқали суғурта фаолияти ахборотларини тўплаш, сақлаш, қайта ишлаш ва узатиш жараёнларини тезлаштириш билан бирга мижозларга хизмат кўрсатиш сифати ҳам оширилади.


Uchinchi bob bo‘yicha xulosa

Xulosa va takliflar
Magistrliki ишида ўтказилган тадқиқотлар натижасида қуйидаги хулосаларга келинди:
Миллий суғурта компанияларида маълумотлар массивини оптимал ташкил этиш суғурта фаолиятини олдиндан айтиб бериш ва режалаштириш имконини бериб, суғурта компаниясини бошқариш ҳамда ривожлантириш учун марказий бўғин ҳисобланади. Ушбу маълумотлар массиви асосида компания раҳбарияти томонидан келажакда макромуҳит ва суғурта компаниясининг бевосита атрофидаги объектлар билан ўзаро мулоқот қилиш борасидаги стратегик режа ишлаб чиқилиши лозим.
Миллий иқтисодиётни raqamlashtirish шароитида суғурта компаниясининг автоматлаштирилган ахборот тизими, унинг самарали фаолияти учун катта аҳамиятга эга бўлади, чунки у айланиб юрувчи ахборотларнинг долзарблиги, суғурта компанияси бўлинмалари орасидаги ахборотли алоқа, суғурта ахборотларига эҳтиёжнинг мазмуни ва ахборотларни узатиш вақтидаги мажбурийликни таъминлайди.
Ахборотларни сақлаш, қайта ишлаш ва қўллаш борасидаги автоматлаштирилган дастурлар пакетининг қўлланиши суғурта ахборот тизими самарадорлигини оширишнинг асосий йўналиши ҳисобланади. Суғурта компанияси ахборот тизимининг қурилиши бажарилаётган вазифалар ҳажми ва суғурта компанияси ташкил этилишининг мавжуд тузилмасига боғлиқ равишда индивидуал бўлиши лозим.
Суғурта компанияси автоматлаштирилган ахборот тизими «булутли ҳисоблаш» технологияси асосида моделлаштирилаётгани ва унинг ядросини Oracle маълумотлар базасини бошқариш тизими даражасида интеграция қилиш, суғурта полисларининг ягона маълумотлар базасини ишлаб чиқиш лозим. Суғурта компанияси ААТ функционал жараёнларини ташқи ахборот тизимлари билан интеграция қилинишини ишлаб чиқиш муҳим, чунки бугунги кунда республикамизда комплекс ахборот тизимлар мавжуд эмас.
Миллий суғурта компанияларида суғурта ахборот тизимининг функционал жиҳатларини такомиллаштириш технологиялари суғурта компанияси ички ва ташқи маълумотлар массивини бошқариш орқали виртуал офис хизматини яратиш ҳамда компания мижозларига хизмат кўрсатиш даражасини ошириш, ходимлар ишини енгиллаштириб, иш унумдорлигини ошириш, компания бошқарувида тўғри, тезкор қарорларни қабул қилишда самарали ҳисобланиб, мижозларга хизмат кўрсатиш даражасини жаҳон стандартларига мос даражага етказишга ёрдам беради.
Ўзбекистон миллий суғурта бозорида фаолият юритаётган суғурта компаниялари тегишли бўлган ташкилий-иқтисодий тизимларнинг фаолиятини автоматлаштиришнинг энг юқори самарасига комплекс автоматлаштиришда эришилади. Бугунги кунда йирик суғурта компаниялари учун ААТни тадқиқот ишида таклиф этилган модели асосида лойиҳалаштириш ва ишлаб чиқиш долзарб вазифа ҳисобланади.
Суғурта хизматлари бозорида Интернет-бизнесининг роли беқиёс, шу боис ҳам суғурта компаниялари интернетдан суғурта мукофотларини тўплашда электрон тўлов тизимлари, виртуал суғурта агентлари ва суғурта полисларининг электрон шаклда ишлаб чиқишда фойдаланишда давом этадилар. Ҳозирги вақтда суғурта фаолиятини ахборотлаштириш жараёнлари такомиллашиб боргани сари, Ўзбекистонда интернет-суғуртани ривожланиб бориши истиқболли аҳамиятга эга бўлиб, бу истиқбол суғурта хизматлари бозори ҳажмининг катталигига боғлиқ. Айнан рақамли технологияни қўллаш суғурта компанияларига институционал ривожланишнинг янги поғонасига чиқишга ва миллий суғурта компанияларнинг рақобатбардошлигини ошириш имконини беради.