Редактор: А. Тилегенов Редколлегия ағзалары
МУҒАЛЛИМ ҲӘМ ҮЗЛИКСИЗ БИЛИМЛЕНДИРИЎ
Download 1.44 Mb. Pdf ko'rish
|
Муғалим журнал 6-2 2022
МУҒАЛЛИМ ҲӘМ ҮЗЛИКСИЗ БИЛИМЛЕНДИРИЎ
59 hamkorlik tashkilotlarigacha harakat qilmoqdalar. Chunki kasb-hunarga yo‘naltirish – umumiy o‘rta ta’lim maktablarida yoshlarni yurtimizning munosib egalari qilib tarbiyalashda muhim bosqichdir. Ayni paytda har bir yosh haqiqiy qiziqish va qobiliyatini, ehtiyoj-xohishini bilib olishi kerak. O‘qituvchi bo‘lishni orzu qildimi, u shu kasbning mehnati va zahmatini tasavvur qila olishi, ruhan tayyor bo‘lib, eng kerakli bo‘lgan bilimlarni egallab borishi shart. Hunarga qiziqdimi, tanlagan kasbidan uyalmasligi, zamonaviy kasb deb o‘ylashi, jamiyatdagi ehtiyojini bilishi, o‘rganishi talab etiladi. Tanlangan har bir kasb uchun xohish va iste’dod zarur. Evaziga nima olish mumkin? Kelajagi qanday bo‘ladi? kabi savollarga javob topilishi kerak. Kasb-hunarni to‘g‘ri tanlash uchun yoshlar o‘zlarining imkoniyati, qobiliyati, shaxsiy xislatlarini hisobga olishlari zarur. O‘quvchilar, ko‘pincha, kasb tanlashda obro‘li insonlarga, ota-onalari, aka-opalariga taqlid qiladilar. Hozirgi kunda aqlan zukko, qobiliyatli, izlanuvchan, mustaqil, mulohazali yigit va qizlarga qulay shart-sharoitlar, imkoniyatlar yaratilgan. Zamon talablariga javob beruvchi kasb-hunar maskanlarida o‘qitish ishlarida mahoratli pedagoglarning o‘rni beqiyos. Zero, insonning o‘z o‘rnini topishi bugungi kundagi dolzarb muammodir. O‘quvchining o‘z imkoniyatlariga ishonch hosil qilishi, qiyinchiliklarni yengib chiqishi «Nima uchun shu kasbni yoqtiraman?» mavzuidagi davra suhbatlarini o‘tkazish, kasbning yaxshi va yomon tomonlarini tahlil etish, tanqidiy ko‘z bilan qarashga chorlash o‘quvchi va o‘qituvchi uchun ahamiyatlidir. O‘quvchining, eng avvalo, o‘z-o‘zini to‘g‘ri anglashi va tushunishi, baholashi, munosabatlar o‘rnatishi, «Kim bo‘lsam ekan?» savoliga aniq javob topishi, mehnat jarayonida o‘z-o‘zidan qoniqishi, ongli kasb tanlashi o‘zi va jamiyat uchun foydalidir. O‘quvchilarni kasb-hunarga yo‘naltirishda quyidagi muammolarga ham duch kelinmoqda: maktablarda kasb tanlash haqidagi maxsus fanlarning yo‘qiigi; maktab amaliyotchi psixologlarning tajribasizligi; hamkorlikdagi uzilishlar; O‘quvchilarni kasb- hunarga yo‘naltirishda har biriga alohida yondashuv yo‘qligi; kasbiy tayyorgarlik madaniyati va pedagoglar mahoratining yetishmasligi. Shunday ekan, O‘quvchilarni kasb-hunarga yo‘naltirishdagi muammolarni hal etishda quyidagi tavsiyalarga amal qilish samaralidir: 1) kasb-hunarga yo‘naltirishda pedagogik korreksiya va diagnostikadan foydalanish zarur; 2) yoshlarni kasb-hunarga tayyorlashda rnahoratli pedagoglar, psixologlar, rahbarlar, ota-onalar, faollar hamkorligidagi uzviylikni ta’minlash, umumiy rahbarlik nazorat tizimini to‘g‘ri tashkil etish; 3) korxonalarga amaliyot uchun borishning sifat darajalarini ko‘tarish; 4) maxsus kechalar, davra suhbatlari, ko‘rik- tanlovlarni mazmunli tashkil etish; 5) o‘quvchilarning har yili kasbiy, tibbiy, pedagogik, psixologik ko‘rikdan o‘tishlariga jiddiy e’tibor qaratish; 6) shahar-tuman XTMMTTEB qoshidagi tashxis markazlarini va umumiy o‘rta ta’lim maktablaridagi kasbga yo‘naltirish xonalarini zamonaviy, innovatsion, kompetensiyaviy yondashgan holda bezatish; 7) ta’lim muassasalarining o‘quv-moddiy negizini takomillashtirish. Xulosa o‘rnida shuni aytish mumkinki, kasb-hunarga yo‘naltirishda kuzatish orqali hayotni o‘rganish, xarakter, qobiliyat, kayfiyatlarni kuzatish bilan turli tuzatishlar olib boriladi. Insonning tashqi ko‘rinishlari: harakatlari, so‘zlashi, boshqalar bilan aloqasi, xulq-atvori o‘rganiladi. Belgilangan reja yoki dasturga muvofiq kuzatish asosiy maqsadga tezroq yetkazadi. Bu borada birinchi prezedentimiz I.A.Karimovning quyidagi fikrlarini ta’kidlamoqchimiz: “O‘rta maxsus, kasb- hunar ta’lim muassasalari har – bir xududning o‘ziga xos, jo‘g‘rofiy, etnik xususiyat, ehtiyojlaridan kelib chiqib, tashkil etilishi hamda unda tahsil olayotgan o‘quvchilarning ota – onalari bag‘rida o‘qib, kasb – hunar egallashlari qolaversa, o‘sha xududning madaniy – ma’rifiy markaziga aylantirish, yoshlarni chinakkam barkamol kadrlar qilib tayyorlashga bo‘lgan talabdandir” deya e’tirof etganlar. Ushbu fikrlari orqali jamiyat va davlat rivojlanishida yoshlarni har tomonlama yetuk |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling