Referat jumısı Tema: Kishi biznes hám jeke isbilermenlikti rawajlandırıwdı qollap-quwatlaw

ÓZBEKSTAN RESPUBLIKASÍ JOQARÍ BILIMLENDIRIW PÁN, INNOVACIYALAR MINISTIRLIGI
BERDAQ ATINDAǴÍ QARAQALPAQ MÁMLEKETLIK UNIVERSITETI

Ekonomika fakulteti, Ekonomika toparı 4B-kurs studenti Mambetniyazov Oralbaydıń Milliy ekonomika páninen

Referat jumısı

Tema: Kishi biznes hám jeke isbilermenlikti rawajlandırıwdı qollap-quwatlaw


Orınlaǵan Mambetniyazov Oralbay
Qabıllaǵan Baltasheva Zuxra

Rejesi:

1. 
   Kirisiw 3
   
2. 
   Tiykarǵı bólim 4
   
   1. 
      Ózbekstanda kishi biznes hám jeke isbilermenlik 4
      
   2. 
      Ózbekstanda kishi hám orta biznesti rawajlandırıw ushın jańa qádemler 8
      
   3. 
      Kishi biznes hám jeke isbilermenliktiń ekonomikada roli 10
      
3. 
   Juwmaqlaw 19
   
4. 
   Paydalanılǵan ádebiyatlar 20
   

Kirisiw
Ózbekstan Respublikası ekonomikasın bekkemlew, hár tárepleme rawajlandırıp barıw, atap aytqanda ekonomikanı bazar munásibetine ótiwdi tezlestiriwshi eń tiykarǵı jollardan biri bul kishi biznes hám jeke isbilermenlikti rawajlandırıw esaplanadı. Sol sebepli de isbilermenlikti rawajlandırıwǵa, onı mámleket tárepinen qollap-quwatlanıwı, jeke isbilermenlikte ǵayrat kórsetiw, onı xoshametlewge arnalǵan bir qansha nızam, párman hám qararlar qabıllandı. Mámleketimizde alıp barılıp atırǵan ekonomikalıq social reformalardıń túpkilikli negizin isbilermenlik, faktorlıq hám isbilermenlik páziyletlerisiz oyda sawlelendiriw qıyın. Erkin bazar munasábetleriniń keń rawajlanıwı insanlar turmısında, olardıń turmıs formasında, ruwxıy hám turmıslıq kónlikpelerinde kórinetuǵın bolıp atır. Kishi biznes hám jeke isbilermenlikti qollap-quwatlanıwı tek ǵana ekonomikanı turaqlı rawajlanıwı, xojalıq baylanısların ońlaw, básekin rawajlandırıw hám tutınıw bazarın toltırıw menen baylanıslı bolǵan ekonomikalıq maqsetlerdi de támiynlep atır. Mámleketimizde kishi biznesti hám jeke isbilermenlikti jáne de turaqlı qılıw maqsetinde Ózbekstan Respublikası Prezidentiniń “Jeke menshikti qorǵaw hám múlk iyeleri huqıqlarınıń kepilliklerin kúsheytiw, isbilermenlik ǵayratların qollap-quwatlaw boyınsha islerdi shólkemlestiriw sistemasın túpten jetilistiriw boyınsha qosımsha ilajlar, sonıń menen birge, isbilermenlik subiektleriniń finanslıq resurslar hám óndiris infrastrukturasınan paydalanıw múmkinshiliklerin keńeytiw tuwrısında” 2019-jıl 13-avgustdaǵı PF-5780-san Pármanı hám Ózbekstan Respublikası Prezidentiniń “Ózbekstan Respublikası Ekonomika hám sanaat ministrligi janındaǵı Kishi biznes hám isbilermenlikti rawajlandırıw agentligi iskerligin shólkemlestiriw tuwrısında” 2019 -jıl 13-avgustdaǵı PQ-4417-san qararları qabıl etilgen.