Joriy yilda bu yerda Ta'lim, fan va madaniyat masalalari bo'yicha xalqaro islom tashkiloti (ISESCO) tomonidan Toshkent shahrining 2007 yilda islom madaniyati poytaxti deb e'lon qilingani munosabati bilan "Toshkent – islom madaniyati poytaxti", Samarqand shahrining 2750 yilligi munosabati bilan "Samarqand durdonalari" ko'rgazmalari tashkil etildi. - Joriy yilda bu yerda Ta'lim, fan va madaniyat masalalari bo'yicha xalqaro islom tashkiloti (ISESCO) tomonidan Toshkent shahrining 2007 yilda islom madaniyati poytaxti deb e'lon qilingani munosabati bilan "Toshkent – islom madaniyati poytaxti", Samarqand shahrining 2750 yilligi munosabati bilan "Samarqand durdonalari" ko'rgazmalari tashkil etildi.
- Ushbu ma'rifat maskanida muntazam ravishda turli ilmiy anjumanlar, davra suhbatlari o'tkazib turiladi. Bunday tadbirlar ishtirokchilari muzey eksponatlari bilan tanishadi. Demak, ular Temuriylar tarixi, umuman xalqimiz tarixidan xabardor bo'ladilar.
- Muzey zallari har qachongidek gavjum. Eksponatlarni tomosha qilayotganlar nigohida cheksiz qiziqish, hayrat va hayajon zohir.
- – Temuriylar tarixi davlat muzeyiga birinchi bor kelishim, – deydi ulardan biri – nurotalik Malika Safarova. – Bu yerdagi eksponatlarni tomosha qilar ekanman, qalbim beixtiyor g'ururga to'ldi, Vatanimiz tarixiga qiziqishimiz, ajdodlarimiz merosiga ehtiromimiz yanada ortdi. Har bir vatandoshimiz bu muzeyni albatta ko'rishi kerak.
- – Muzeyimizga har kuni yuzlab tomoshabin keladi, – deydi muzey ilmiy xodimi Dilafro'z Qurbonova. – Ular orasida maktab o'quvchilari, talabalar ko'pligi yosh avlodning tariximiz, buyuk ajdodlarimiz merosiga qiziqishi ortib borayotganidan dalolat.
Do'stlaringiz bilan baham: |
