Reja: Nok haqida umumiy tushuncha. Kelib chiqish tarixi. Nok navlari. Nokning shifobaxshligi. Bog’dorchilik. Nashvati

OLIVYE DE SERR NAVI: Daraxtining bo‘yi past – 3,4 m bo‘lib, shox-shabbasi 
keng, piramidasimon. Nok daraxti ekilgandan so‘ng beshinchi yili hosilga kiradi. 
Mevasi yassi-dumaloq, yuzasi g‘adir-budur, pishganda och sariq, qizil g‘uborli 
rangga kiradi. Mevasining o‘rtacha vazni – 157 g. Eti oq sarg‘ish, sershira, og‘izda 
eriydigan darajada yumshoq, moyli, mazasi nordon-shirin. 
Bu nav qishki, mevasi sentyabrning uchinchi o‘n kunligida pishadi. Hosildorligi – 
223,1 s/ga, eng yuqori hosildorligi – 333,8 s/ga ni tashkil etadi. 
Qayerda yaratilgan: Fransiya. 
1959-yil Davlat reyestriga kiritilgan. 
Mamlakatimizning barcha hududlarida ekish uchun tavsiya qilingan. 
PODAROK NAVI: Daraxtining bo‘yi o‘rtacha – 2,7 m bo‘lib, keng shox-
shabbalidir, daraxti ekilgandan keyin to‘rtinchi yili hosilga kiradi. 
Mevasi chiroyli, noksimon, och sariq, qizil g‘uborli, mevasining o‘rtacha vazni – 
145 g. Eti oq, sal sarg‘ish, sershira, mayin, moysimon, mazasi nordon-shirin. 

---

Nav yozgi, mevasi avgustning uchinchi o‘n kunligida pishadi. Hosildorligi – 134,4 
s/ga, eng yuqori hosildorligi – 227,1 s/ga ni tashkil etadi. 
Qayerda yaratilgan: Akademik M. Mirzayev nomli bog‘dorchilik, uzumchilik va 
vinochilik ilmiy-tadqiqot institutining Samarqand ilmiy-tajriba stansiyasi. 
Mualliflar: A.K. Pavlov, V.V. Kuznetsov. 
1959-yil Davlat reyestriga kiritilgan. 
Mamlakatimizning barcha hududlarida ekish uchun tavsiya qilingan. 
ROYAL ZIMNYAYA NAVI: Daraxtining bo‘yi baland – 10,5 m bo‘lib, keng 
shox-shabbalidir. Daraxti ekilgandan so‘ng besh yil o‘tib, hosilga kiradi. 
Mevasi noksimon, yuzasi g‘adir-budur, rangi sariq, sal sezilarli jigarrang nuqtalari 
bor, mevasining o‘rtacha vazni – 180 g. Eti och-sarg‘ish, og‘izda erib ketadigan 
darajada sershira, mazasi nordon-shirin. 
Nav qishki, mevasi oktyabrning birinchi o‘n kunligida pishadi. 
Hosildorligi – 68,9 s/ga, eng yuqori hosildorligi – 100,9 s/ga ni tashkil etadi. 
Qayerda yaratilgan: Italiya. 
1981-yil Davlat reyestriga kiritilgan. 
Mamlakatimiz hududida Toshkent va Farg‘ona viloyatlarida ekish uchun tavsiya 
qilingan.