Reje: I. Kirisiw. II. Tiykarǵi bólim

Reje:
I.Kirisiw.
II.Tiykarǵi bólim.
2.1. Ózara baylanıslar haqqında túsinik hám olardıń turleri.
2.2. Korrelyaciyalıq hám regressiyalıq analiz wazıypaları hám onıń
basqıshları.
2.3. Korellyaciya neni ańlatadı.
III.Juwmaq.
IV.Paydalanilģan ádebiyatlar.


I.Kirisiw.
Sociallıq-ekonomikalıq hádiyseler júdá quramalı bolıp, olar arasında kóbinese korrelyatsion baylanısıwlar bar. Ózgeriwshi X belginiń hár bir ma`nisine basqa ózgeriwshi Y bólistiriwi uyqas kelse, bunday baylanısıw korrelyatsiya dep ataladı.
Korrelyatsion analizde hádiyseler arasındaǵı baylanısıwdıń tıǵızlıq dárejesi anıqlanadı. Ol korrelyatsiya koefficiyentlerin esaplaw, olardıń zárúrligi, isenimliligin bahalawǵa tiykarlanadı. Korrelyatsiya koefficiyenti eki jaqlama aytılıwı múmkin: X ti Y menen baylanısıw tıǵızlıǵı yamasa Y di X penen baylanısıw tıǵızlıǵı. Bul kórsetkish tek baylanısıw kúshin o'lsheydi, biraq onıń sebebin kórsetip bermeydi.
Regression analiz bir hádiyse ózgeriwi nátiyjesinde basqa hádiyse qansha muǵdarǵa ózgeriwin kórsetip beredi, yaǵnıy faktorlar natiyjeliligin anıqlaw múmkinshiligin tuwdıradı. Onıń ushın faktor belgi hám juwmaqlawshı belgin ulıwma ekonomikalıq sapa analizi tiykarında anıqlaw kerek. Soǵan qaray regressiya teńlemesin X ti Y boyınsha yamasa Y di X boyınsha dúziw máselesi sheshiledi, sebebi regressiya koefficiyentleri hár túrlı muǵdarlıq bahalarǵa iye boladı.
Korrelyatsiya koefficiyentiniń kvadratı determinatsiya koefficiyenti dep ataladı. Juwmaqlawshı belgi variatsiyasiniń qanday bólegi faktor belgi shayqalıwı menen túsindiriliwin tariypleydi. Korrelyatsiya kórsetkishlerin tek variatsiya, ortashadan ayırmashılıqlanıw termini arqalı ǵana aytıw múmkin. Olardıń belgiler dárejeleri arasındaǵı baylanısıw kórsetkishleri retinde aytip bolmaydı.


II.Tiykarǵi bólim.
2.1. Ózara baylanıslar haqqında túsinik hám olardıń turleri.
Turmısta barlıq hádiyse hám processler ortasında bir-biri menen belgili
baylanıslar bolıp, olardı úyreniw statistikanıń áhmiyetli wazıypsı esaplanadı.
Ayrım belgiler basqa belgilerge tásir etip, olardıń ózgeriwine sebepshi
boladı, yaǵnıy olar erkin ózgeriwshiler, basqaları eriksiz ózgeriwshiler. Sol
sebepten belgiler eki túrge bólinedi. Basqa belgilerdiń ózgeriwine sebepshi
bolatuǵın belgler faktor belgiler, al faktor belgilerdiń tásirinde ózgeretuǵın belgiler
nátiyje belgiler dep ataladı. Máselen, miynet ónimdarlıǵı hám ónimniń ózine túser
bahasın alsaq, miynet ónimdarlıǵınıń artıwı ónimniń ózine túser bahasınıń
kemeyiwine alıp keledi. Bunda ónimniń ózine túser bahası nátiyje belgi bolıp, onıń
ózgeriwine tásir etiwshi faktor, yaǵnıy miynet ónimdarlıǵı faktor belgi esaplanadı.
Belgiler ortasındaǵı baylanıslardıń хarakterine qarap baylanıslar eki túrge
bólinedi:

1. 
   Funkcional baylanıs;
   
2. 
   Korrelyaciyalıq baylanıs.