Respublikasi oliy va o’rta maxsus ta’lim vazirligi

Monostrukturali iqtisod – bir mulk shakli hukmron bo‘lgan tizim.
Mulkni tasarruf etish – mulk bo‘lgan boylikning taqdirini mustaqil 
hal etish, ya’ni mulkdan kelajakda qanday maqsadda foydalanish, 
ishlatishni belgilash.
Mudofaaga asoslangan strategiya – raqiblari faoliyatini kuzatish 
asosida, ular erishgan natijadan foydalanib ish yuritish strategiyasi. 
Mukammal raqobat – erkin raqobatga asoslangan, bozorga 
(tarmoqqa) kirish, cheklanmagan erkin mustaqil ishlab chiqaruvchilar 
bozorda narx ustidan nazorat o‘rnatish imkoni yo‘q bo‘lgan bozordagi 
ideal raqobat. 
Mulk – qabul qilingan tartib asosida o‘zlashtiriladigan cheklangan 
ne’matlar. 
Mulk huquqi – kishilar o‘rtasida ne’matlar va ulardan foydalanish 
natijasida vujudga keladigan munosabatlarning jamiyat tomonidan qabul 
qilingan qoidalari(qonunlar, an’analar, urf-odatlar, ma’muriy farmo-
yishlar). 
Mulkdan foydalanish – mulkni ishlatib, ko‘zlangan maqsadga, 
natijaga erishish: daromad topish yoki shaxsiy ehtiyojni qondirish. 
Mulkka egalik qilish – mulkdorlik huquqining mulk egasi qo‘lida 
saqlanib turishi, yaratilgan mahsulotni o‘zlashtirishning ijtimoiy shakli. 
Mutlaq ustunlik (afzallik) – bir birlik tovar tovar ishlab chiqarish 
uchun boshqa mamlakatga qaraganda, kam mehnat, kam resurs 
sarflashda ifodalanadi. 
Narx pariteti – qishloq xo‘jaligi mahsulotlari narxi o‘zgarishining 
tarmoqda ishlatiladigan sanoat tovarlari va xizmatlari narxining 

---

371 
o‘zgarishi bilan taqqoslanishi. Odatda, u paritet indeksi orqali 
ifodalanadi.
Narx – tovarlar va xizmatlarning nafliligini baholash vositasi bo‘lib, 
unga to‘lanadigan pul miqdorini ifodalaydi. 
Narx bo‘yicha rahnoma – oligopolistik bozordagi yetakchi firma, 
qaysiki uning narxni ko‘tarishi yoki tushirishiga qarab, boshqalar unga 
ergashadi. 
Narx mexanizmi – narxlarning tashkil topishi, ya’ni tovar, 
xizmatlarga to‘lanadigan pul miqdorini belgilash qoidalari, usullarini o‘z 
ichiga oladi.