Ortiqcha ishlab chiqarish inqirozi – turlicha naf keltiradigan
ne’matlarni talabga qaraganda ko‘p ishlab chiqarib, ularni to‘la sota
olmaslik natijasida tang ahvolga tushish.
Ochiq bozordagi operatsiyalar – MB tomonidan bozorda davlat
qimmat baho qog‘ozlarini sotish va sotib olish.
Passiv kapital – asosiy kapitalning faoliyat yuritish uchun sharoit
yaratuvchi, ancha uzoq xizmat qiluvchi, ishlab chiqarishda passiv
qatnashuvchi qismi.
Pirovard mahsulot – sotish yoki qayta ishlov berish uchun emas,
balki pirovard iste’mol qilish uchun bozor narxlarida sotib olingan
mahsulot (tovarlar va xizmatlar).
Pozitiv iqtisodiyot – dalillar yordamida tadqiqot olib borib, ular
tahlili asosida iqtisodiy faoliyat jarayonida o‘zlarini qanday tutishlari,
iste’mol tanlovini ilmiy asoslashga harakat qiladi.
Polistrukturali iqtisod – mulkchilikning turli-tumanligi va ularning
huquqiy jihatdan tengligiga asoslangan iqtisod, postkommunizmning
bozor iqtisodiyotiga transformatsiyasi davri.
Pul bozori – moliya bozorining tarkibiy qismi bo‘lib, pulga talab va
taklif asosida umumiy foiz darajasi, zaruriy va taklif etilayotgan pulning
muvozanatli hajmini belgilovchi bozor.
Pul massasi – naqd pul va naqd pulga aylantirish imkoniyati tur-
licha bo‘lgan naqd bo‘lmagan pul va kvazi pullar, qimmatli qog‘ozlar.
Pul miqdori – muomalaga chiqarilgan pul hajmi.
Pul multiplikatori – tijorat banklari rezerv (zaxira) normasiga ko‘ra
bankka mijozlar tomonidan qo‘yilgan naqd pullarga nisbatan emissiya
373
qilinadigan pul massasining ko‘payishi mumkinligini ko‘rsatuvchi
koeffitsiyent.
Pul muomalasi – pulning xo‘jalik aylanmasida doimo harakatda
bo‘lib, o‘z funksiyalarini to‘laqonlik bajarishi.
