Respublikasi oliy va o’rta maxsus ta’lim vazirligi

Uklad – kishining hayot kechirishi, xo‘jalik yuritish prinsipida 
o‘rnatilgan yoki joriy qilinadigan tartib.
 Uy xo‘jaligi – bir yoki bir necha kishidan iborat oila, iqtisodiyotni 
resurslar bilan ta’minlovchi va yaratilgan mahsulotlar iste’molchisi 
bo‘lgan iqtisodiy birlik. 
Umumiy yoki makroiqtisodiy muvozanat – jamiyat ehtiyojlari, 
uni qondirish imkoniyatlari (resurslari) va ishlab chiqarish natijalarining 
mos kelishi. 

---

378 
Umumiy xarajatlar – ma’lum miqdorda mahsulot ishlab chiqarish 
uchun sarflangan doimiy va o‘zgaruvchan xarajatlar boshqacha aytganda 
barcha iqtisodiy resurs xarajatlari. 
Undirma sanoatda renta – yer qa’ridagi qazilma boyliklarning 
sifati va qazib olishdagi xarajatlar farqi tufayli vujudga keladigan renta.
Foiz stavkasi effekti (samarasi) – narxlar darajasi o‘zgarishi 
tufayli pulga talabning va o‘z navbatida foiz stavkasini o‘zgarishiga olib 
kelishi va uning oqibatida yalpi sarflar umumiy darajasini o‘zgarishi.
Firma – bir yoki bir necha korxona va faoliyat turini amalga 
oshiruvchi xo‘jalik yurituvchi subyekt.
Friksion ishsizlik – Ishsizlikning doimo mavjud turi bo‘lib, ish 
qidirish va bo‘sh ish o‘rinlarini kutish bilan bog‘liq ishsizlik. 
Funksional tahlil – funksional bog‘lanish, ya’ni bir miqdorning 
o‘zgarishiga qarab boshqa miqdorning o‘zgarishi o‘rtasidagi bog‘lanish 
asosida iqtisodiyotni tahlil etish.
Xalqaro iqtisodiy integratsiya – xalqaro mehnat taqsimoti va 
kooperatsion aloqalarning yuqori darajadagi bir butun xo‘jalik aloqalari 
sifatida birlashuvi. 
Xalqaro mehnat taqsimoti – mehnatning turli davlatlar va ularning 
guruhilari o‘rtasida taqsimlanishi bo‘lib, alohida mamlakatlarning u yoki 
bu turdagi tovar ishlab chiqarish, xizmat ko‘rsatishga ixtisoslashuvini 
anglatadi.