«rezyumi» strategiyasí

«QARA QUTÍ» METODI
Metodtı qollawdan maqset oqıwshılar tárepinen temanı puxta ózlestiriwge erisiw, olardı aktivlestiriwge, olardı birgelikte islewge úndew, jaǵdaydı basqarıw, logikalıq pikirlewdi rawajlandırıw.
Olardan paydalanıwda tómendegi háreketler payda qılınadı;
1. Oqıtıwshı oqıwshılarǵa metodtıń mánisin túsindiredi.
2. Oqıwshılar juplıqlarǵa biriktiriledi.
3. Juplıqlarǵa tema mánisin jaritiwshı tiykarǵı túsiniklerdi kartoshkalarǵa jazip bariliwları waziypası júklenedi.
4. Juplıqlar belgili waqıt aralıqlarında wazıypanı islew (10-15 min) tapsırıladı.
5. Belgilengen waqıt aqırına jetkennen soń, oqıtıwshı topar menen birgelikte juplıqlar menen birge tapsırmanıń isleniwin tekseredi.
6. Tapsırmanı tolıq islegen oqıwshı oqıtıwshı rólin oynaydı hám tapsırmanıń sheshimin doskaǵa jazadı.
7. Topar aǵzaları doskaǵa jazılǵan juwaplardı jazıp aladı.
«6X6X6» METODI
Metod járdeminde bir waqıttıń ózinde 36 oqıwshını aktivlikke shaqırıw arqalı tapsırma yamasa mashqalanı sheshiw, toparlardıń hár bir aǵzası imkanyatların anıqlaw, qarasların bahalaw múmkin. Ol tiykarında payda etilgen dógerekte hár birinde 6 oqıwshıdan bolǵan 6 toparǵa oqıtıwshi tárepinen ortaǵa taslanǵan mashqalanı analiz qılınadı. Belgilengen waqıt juwmaǵına jetkennen soń, oqıtıwshı 6 topardı qaytadan dúzedi. Qaytadan dúzilgen toparlardıń hár birinde aldınǵı 6 topardan birewden wákil boladı, yaǵnıy toparlardıń óz toparlarında aldınǵı topar tárepinen mashqalanıń sheshimi spatında alinǵan juwapti bayan etip sheshimler birgelikte analiz etiledi.
Táriyip; 1. Oqıwshılar toparlarǵa bóliniwde, oqıtıwshı tómendegishe jol tutıwı múmkin; 6 stoldıń hár birinde qandayda bir zat súwreti sáwlelengen nárseni qoyıp shıǵadı. Dógerek qatnasıwshılarına qandayda bir zat sáwlelengen betlerden birin alıw aytıladı. Hár bir oqıwshı ózi saylaǵan betlerde súwretlengen súwret penen atalıwshı stol qasınan orın iyeleydi.
2. Oqıtıwshı toparlardıń aktivligin gúzetip barıwda kerek bolǵanda olarǵa máslahat berip, jol jorıq kórsetedi, topar tárepinen tapsirmalar sheshilgenine isenim qilinǵannan soń toparlardan analizdi toqtatiliwı soraladı.­