«rezyumi» strategiyasí

«GÚGIRT DÁNELERI» STRATEGIYASÍ
«Gúgirt dáneleri» strategiyası oqıw materiallarınıń oqıwshı (talaba)lar tárepinen úyrenilgen qay dárejede iyelegenligin anıqlaw maqsetinde qollanıladı. Strategiya oqıwshı (talaba)larǵa oqıw materialınıń temasınan kelip shıqqan halda túrli mashqalalı másele yáki jaǵdaylardı jaratıw, temanıń tiykarǵı tayanısh túsiniklerin ajıratıp alıw, olardı dálillew, táriyplewde járdem beredi. Sonıń menen birge, strategiya shınıǵıw dawamında hár bir oqıwshı (talaba)ǵa túrli tapsırmalardı individual islew, onıń ústinde ǵárezsiz islew imkanın beredi. Bul strategiya oqıwshılarda bir qatar tárbiyalıq xarakterdegi, yaǵnıy: ǵárezsiz isley alıw; sáwbetke kirisiwsheńlik; kishipeyillik; basqalar pikirin húrmet etiw; belsendilik; ózin-ózi bahalaw sıyaqlı sıpatlardı qáliplestiriwge járdem beredi.
Strategiya qollanǵan shınıǵıw oqıwshılardı úyrenilgen yáki úyreniliwi kerek bolǵan tema boyınsha jeke hám kishi topar bolıp pikirlesiw, ózlestirilgen bilimlerdi yadqa alıw, toplanǵan pikirlerdi ulıwmalastırıw, olardı jazba ráwishte yáki súwret,sızılma, kórinis, sxem, model kórinisinde ańlatıwǵa úyretedi. Usı strategiya juplıq, kishi toparlar yáki toparda shólkemlestiriledi. Oqıwshı (talaba)lar túsiniklerin jazba ráwishte táriypleydi hám olardı kórgizbe tiykarında toparǵa kórsetedi.
Shınıǵıwda strategiyanı qollaw tómendegi tártipte ámelge asırıladı:







Kórsetpe: oqıwshılar tárepinen tańlanǵan hár bir gúgirt dánesi bir túsinikti táriyplew shártligin ańlatadı. Soǵan kóre oqıwshı egerde eki gúgirt dánesin tańlaǵan bolsa, onda eki túsinikti ajıratıp kórsetip, olardı táriypleydi. Gúgirt dáneleri sanınıń artıp barıwına kóre túsinikler sanı hám olarǵa beriletuǵın táriypler muǵdarı da kóbeyip baradı.
«JELPIGISH» STRATEGIYASÍ
Quramalı hám kóp tarmaqlı bolıp, mashqalalı jaǵdaylardı úyreniwge baǵdarlanǵan usı texnologiyanıń mazmunına kóre temanıń bapları, bólimleri boyınsha maǵlıwmat beriledi. Bap hám bólimler bólek-bólek qaralıp shıǵıladı. Mısalı, málim hádiyse, waqıya yáki processtiń unamlı, unamsız tárepleri, paydası, zıyanı, abzallıǵı, kemshiligi kórsetip beriledi.
Strategiya oqıwshı(talaba)larda qarama-qarsı, logikalıq pikirlew, óz pikirlerin jetilistirip rawajlandırıw, jeke ideyaların jazba yáki awızeki túrde qısqa bayan etiw, onı nátiyjeli qorǵaw kónlikpe, mamanlıqların qáliplestiriwge imkaniyat jaratadı.
«Jelpigish» strategiyası járdeminde ózlestirilip atırǵan temanıń belgili bir táreplerin komanda, topar, juplıq hámde hár bir qatnasıwshınıń individual aktiv islewi tiykarında úyreniwge xizmet etedi.
Texnologiyanı tálimde, sonıń menen birge ruwxıy - aǵartıwshılıq jumıslar processinde de qollaw mú mkin. Bunda oqıwshı(talaba)lardıń tómendegi tájiriybe hám kónlikpelerge iye bolıwlarına erisiledi: komanda menen islew; mashqala hám jaǵdaylardı túrli kóz-qarastan talqılaw; kelisimli qararlardı qabıl etiw; basqalar pikirin húrmet etiw; belsendilik; mashqalaǵa dıqqattı jámley alıw h.t.b
Tálim processinde temanı úyreniw waqtında strategiyanı túrli basqıshlarda anıq maqsetler tiykarında qollaw múmkin. Máselen: