Русс нашриётига сўз боши

Муаммони ҳал этишга камроқ куч сарфланг 
Kitchen Nightmares ресторанининг бош ошпази Гордон Рамсини 
кузатинг ва сиз тақлид учун ажойиб намунани кўрасиз. Омадсиз ресторанлар 
менюсида жуда кўп таомлар бор. Унинг эгаси дунёдаги ҳар қандай таомнинг 
бўлиши ресторан жозибадорлигини оширади, деб ҳисоблайди. Аксинча, 
таомлар сонининг кўплиги фақатгина, уларнинг кўпчилигини янаям яхшироқ 
бўлишини хохлашларинигина пайдо қилади (омбордаги заҳира эса ҳар доим 
бош оғриғи бўлиб қолади).
Шунинг учун Рамсининг ҳар доим янги жойда қиладиган биринчи иши 
бу менюни қисқартириш бўлган. Одатда, 30 дан ортиқ таомларни 10тагача 
қисқартирган. Бу ҳақда ўйлаб кўринг. Олдин мавжуд менюни яхшиламаяпти. 
Олдин уни қисқартираяпти. Кейин эса қолганларига “сайқал бераяпти”.
Одатда, агар бирор бир ишингиз ўхшамаса, ундаги муаммони ҳал қилиш 
учун иложи борича кўпроқ ресурсларни жалб қилишга ҳаракат қиласиз. 

---

Кўпроқ одамлар, вақт ва пул. Буларнинг барчаси охир оқибат муаммонинг 
кшпайишига олиб келади. Тўғри ёндашув бу тескари томонга 
ҳаракатланишдир, яъни қисқартириш. 
Шунинг учун, камроқ қилинг. Шунда, сизнинг лойиҳангиз сиз 
ташвишланаётган бу муаммоларга учрамаслиги мумкин. Умуман айтганда, 
ҳаммаси сиз кутганданда яхшироқ тугаши эҳтимоли кам эмас. Сиз 
ҳақиқатдан ҳам аҳамиятга эга нарсаларнинг фойдасига танлов қилишга ва 
бироз мураккаб бўлган қарорларни қабул қилишга мажбур бўласиз. 
Агар сиз муддатни суришни ва бюджетни оширишни бошласангиз, унда 
ҳеч қачон тўхтамайсиз.
Диққатингизни ўзгармайдиган нарсаларга қаратинг 
 
Кўпгина компаниялар келажакда “отиб ташлаш” мумкин бўлган 
нарсаларга бор эътиборини қаратишади. Улар янги қайноқ мавзуларга 
боғланиб қолишади. Улар янги трендлар ва технологиялар ортидан 
боришади.
Бу аҳмоқлар учун қармоқдир. Сиз модага қизиқишни бошлаяпсиз, унинг 
моҳиятига эмас. Сиз диққатингизни доимий ўзгариб турадиган нарсаларга 
қаратаяпсиз, ўзгармай қоладиганларига эмас.
Сизнинг бутун бизнесингиз ўзгармай қоладиган нарсалар атрофида 
қурилиши керак. Одамларни айнан ҳозир ҳам қизиқтирадиган ва ўн йил 
ўтгандан сўнг ҳам қизиқтирадиган нарсалар атрофида қурилиши керак. 
Айнан мана шу нарсалар инвестиция қилишга арзийди. 
Amazon.com товарларни тез (ёки текин) етказиб берилиши, яхши 
ассортименти, яхши шароитда қайтарилиши ва яхши нархларда бўлишига 
бор эътиборини қаратди.
Япон автоишлаб чиқарувчилари ҳам ўзининг диққатини доимий 
ўзгармас бўлиб қоладиган базавий тамойилларга қаратишади: ишончлилик, 
ҳаммабоплик, қулайлик. Одамлар ўттиз йил олдин ҳам, ҳозир ҳам ва ўттиз 
йилдан кейин ҳам бу нарсаларга эришишни ҳохлашади.
37 signalsда биз фойдаланилишдаги тезлик, оддийлик, қулайлик ва 
тушунарлилик каби жиҳатларга эътиборимизни қаратдик. Бундай хоҳишлар 
устидан вақт ҳукмронлик қила олмайди. Ўн йил ўтиб одамлар бир куни 
уйқудан уйғониб: “Биз бу дастурдан фойдаланиш қийинроқ бўлишини 
хоҳлардик” дейиши мумкин эмас. Улар: “Биз бу илова секинроқ ишлашини 
хоҳлардик” дейишмайди.
Эслаб қолинг: мода ўтиб кетади. Сиз диққатингизни ўзгармас нарсаларга 
қаратсангиз ҳеч қачон панд бермайдиган нарсага пул тиккан бўласиз.