Самарқанд давлат архитектура қурилиш институти

Курс лойиҳасининг мазмуни ва ҳажми

№	Бажарилаётган курс лойиҳасининг таркиби	Бажарилиш муддати	Ҳажми, %
1	Бошланғич маълумотни тўплаш. Ораёпмаларни компоновкалаш ва иқтисодий жиҳатдан самарали вариантни танлаш.	1 ҳафта	15%
2	Қуйма яхлит темирбетон ораёпма плитани ҳисоблаш ва қурилмалаш.	2 ҳафта	20%
3	Иккинчи даражали пўлат тўсинни ҳисоблаш ва бош тўсинни танлаш.	3 ҳафта	20%
4	Иккинчи даражали тусинларни асосий тусинларга болтли	4 ҳафта	15%
	бирикмаларнинг хисоби
5	Алоҳида турувчи биринчи қават устунни ва устун ости пойдеворини ҳисоблаш ва қурилмалаш.	5 ҳафта	20%
6	Курс лойиҳасига хулоса ёзиб, фойдаланилган адабиёт ва меъёрий ҳужжатлар руйхатини тузиш ва тушунтириш хатини тўлиқ расмийлаштириш	6 ҳафта	10%

Курс лойиҳасига раҳбарлик топшириқ беришдан бошланади. Топшириқ курс иши раҳбари имзоси ва кафедра мудирининг тасдиқловчи имзоси қўйилгандан сўнг талабага берилади.
Курс лойиҳасида бинони бикр конструктив схемада олиниши ва горизонтал йўналишдаги юк ва таъсирлар ўз текислигида бикр диск бўлган ораёпма орқали кўндаланг ва бўйлама деворларга узатилиб, бинонинг фазовий бикрлиги таъминланган кўп қаватли бинонинг ташқи юк кўтарувчи девори, қуйма яхлит темирбетондан ораёпма плитаси ва иккинчи даражали пўлат тўсинни ҳисоблаш ва бош тўсинни танлаш ҳамда ички устунлар ва пойдеворларини лойиҳалаш назарда тутилган.
Тушунтириш хати (ТХ) курс лойиҳасининг таркибий қисмининг асоси бўлиб, ТХ қисқа ва мазмунли ёзилиши: Сўз боши (кириш кисми)да архитектура-қурилиш ва техникага оид адабиётлардан олинган маълумотлар асосида мавзунинг долзарблиги очилиб, масаланинг муҳимлиги ёритилади.