2.4. Асосий воситалар билан таъминланганлиги даражаси ва асосий воситалар самарадорлигини ифодаловчи кўрсаткичлар таҳлили
Бугунги кунда корхоналардаги асосий воситаларнинг техник холати ва харакат кўрсаткичларини тахлил қилиб бориш билан бир қаторда, корхонанинг асосий воситалар билан таъминланганлиги даражасини хамда ходимларнинг асосий воситалар билан қуролланганлиги даражасини хам тахлил қилиб бориш мақсадга мувофиқдир. Корхона (фирма)нинг асосий воситалар билан таъминланганлик қуролланганлик даражаси деб ишлаб чиқаришнинг меъёр даражасида мехнат воситалари билан таъминланганлигига айтилади.
Аввало, корхонанинг мехнат воситалари билан таъмминланганлигида қуйидаги жихатларини фарқлаш лозим:
Ўзига тегишли бўлган мехнат воситалари билан таъминланганлиги;
Ижарага олинган мехнат воситалари хисобига таъминланганлиги.
Демак, корхона хар иккала холатда хам асосий воситалар билан таъминланганликнинг меъёр кўрсаткичларига эга булиши мумкин.
Асосий воситалар билан таъминланганлик тахлилида корхона (фирма) да асосий воситаларнинг режага ва ўтган йилларга нисбатан мутлоқ ва нисбий ўзгаришларига баҳо берилади.
Асосий воситалар билан қуролланганлик кўрсаткичлари сифатида битта ишчига тўғри келадиган мехнат воситалари, бир иш ўрнига тўғри келадиган асосий воситалар билан қуролланганлик даражаси аниқланади. Асосий воситалар билан қуролланганлик даражаси уларнинг самарадорлик кўрсаткичларини ўрганиш асосида тўлдирилади. Яъни, корхона фаолиятига фақат миқдор кўрсаткичлар орқалигина эмас балки сифат кўрсаткичларини хам ўрганиш асосида баҳо берилади.
4-жадвал
«Самарқанд лифтсозлик заводи» ОАЖ шаклидаги ҚКнинг асосий воситалар билан таъминланганлиги ва қуролланганлигининг тахлили
Do'stlaringiz bilan baham: |
