Samarkand davlat universiteti

Bakalavr:

• 
  ijtimoiy guruhlar va qatlamlar, ularning ijtimoiy hayotdagi o’rni. Turli ijtimoiy guruhlar va qatlamlarning dolzarb muammolari. Alohida ijtimoiy guruhlar va qatlamlar (ayollar, bolalar, qariyalar, imkoniyati cheklanganlar, ishsizlar, deviant xulqlilar)da ijtimoiy ish olib borishning usullari va yo’nalishlari. Turli ijtimoiy guruhlar va qatlamlarda ijtimoiy munosabatlarni o’rganish dinamikasi. Ijtimoiy guruhlarning shaxsga tarbiyaviy ta`sir ko’rsatishdagi o’rni haqida tasavvurga ega bo’lishi;
  
• 
  Turli ijtimoiy guruhlar va qatlamlarning muammolarini o’rganish. Ijtimoiy ishning nazariyasi va uning salomatlik bilan bog’liqlik jixatlari. Ijtimoiy ishning salomatlik bilan bog’liqlik asoslari. Ijtimoiy ishda tibbiyot kontseptsiyasi va tibbiy xuquqlarning asoslari. Bolalar himoyasi va oila siyosati; jamiyatda ayollarning o’rni; oila va bolalar xuquqlarining me`yorlarini; davlatning qariyalar to’g’risidagi siyosatining asosiy yo’nalishlarini; imkoniyati cheklanganlarga hamda deviant xulqlilarga ijtimoiy ko’mak berishning o’ziga xosliklarini; O’zbekiston Respublikasida bandlik siyosati va ishsizlar bilan ijtimoiy ish olib borishni bilishi va ulardan foydalana olishi;
  
• 
  turli ijtimoiy guruhlar va qatlamlarning tarbiyaviy va psixologik tamoyillari; oilani rejalashtirish; oilaning ijtimoiy himoya tamoyillari; bolalar, ayollar, qariyalar, nogironlar, ishsizlar va deviant xulqlilar o’rtasida ijtimoiy ishning o’rni; ijtimoiy ishning alohida ijtimoiy guruhlar va qatlamlarga nisbatan qo’llanilishida soha sifatidagi zamonaviy yutuqlari. Ijtimoiy ishning yoshlar o’rtasidagi ahamiyati va o’rni. YOshlar muammolarining echimini topishda ijtimoiy ishning o’rni. O’zbekiston yoshlari o’rtasida ijtimoiy ish tizimining xuquqiy me`yoriy asoslari. O’zbekiston yoshlarining konstitutsion huquqlari haqida ko’nikmalariga ega bo’lishi kerak.
  

O’zbekistonda ijtimoiy ishni rivojlantirish va targ’ib qilishga qaratilgan faoliyat bilan shug’ullanuvchi hamda Ijtimoiy ish bo’yicha qayta o’qitish kurslari tashabbuskori bo’lgan Respublika bolalar ijtimoiy moslashuvi markazida faoliyat ko’rsatayotgan “Ijtimoiy ish” sektori tomonidan ham shu mazmunda qator ilmiy-uslubiy asoslangan hamda jahon miqyosidagi ijtimoiy ish sohasi tajribalariga tayangan holda ilmiy-uslubiy, amaliy tavsiyalar taklif etiladi. Jumladan, “Ijtimoiy ish” sektori faoliyatidagi Ijtimoiy ish bo’yicha Milliy jamoa a`zolaridan M.X.Ganieva, M.X.Karamyan, L.E.Kim va A.V.SHubina tomonidan ishlab chiqilgan “Ijtimoiy ishchining professiogrammasi”da ijtimoiy ishchining kasbiy ko’nikma va malakalariga qo’yiladigan quyidagi talablar keltiriladi: