Samarqand davlat universiteti psixologiya va ijtimoiy fanlar fakulteti ijtimoiy fanlar kafedrasi

4. Xayriya jamg’armalari
Xayriya jamg’armalar O’zbekiston Respublikasi Konstituttsiyasi hamda amaldagi qonunlarga rioya qilgan holda o’zini o’zi boshqarish tamoyillari asosida ish ko’radi.
Jamg’armalar o’z safiga millati, irqi, dini va fuqaroligidan qat`iy nazar, ajdodlarimiz qoldirgan boy madaniy merosni xalqlar do’stligi uchun, madaniyatining rivoji, umuminsoniy qadriyatlar tantanasi uchun xizmat qildirish niyatida bo’lgan barcha kishilarni tashkilot, muassasa va korxonalarni ko’ngilli ravishda birlashtiradi. Davlat va jamoat tashkilotlari, ijtimoiy uyushmalar va fuqarolarning faoliyati va e`tiborini yosh avlod tarbiyasiga, etim-esir va nogironlarni, kam daromadli oilalarni qo’llab-quvvatlashga qaratadi.
Respublikada 2005 yilda 250 ga yaqin xalqaro, Respublika xayriya jamg’armalari, xorijiy jamg’armalarning O’zbekistondagi bo’limlari faoliyat olib boradi. ekosan, Evroaziya (AQSH), Konrad Adenaur (Olmoniya) va boshqalardir.
O’zbekiston Respublikasi Prezidenti Islom Karimov 2003 yil 7 oktyabr kuni yangi tuzilgan O’zbekiston liberal-demokratik partiyasi tashabbus guruhi azolari bilan uchrashuvi bo’lib o’tdi. Bu uchrashuuda davlatimiz rahbari mamlakatimizda amalga oshirilayotgan bozor iqtisodiyotini chuqurlashtirish, ishlab chiqarishni yuksaltirish, umuman xalq faravonligini oshirish hamda iqtisodiyotni barqaror rivojlanishini ta`minlashda kichik va o’rta biznes vakillari hamda tadbirkorlarning hissasi tobora ortib borayotganini ta`kidladi.
YUrtboshimiz bu erga to’planganlar yangi partiyani tuzish tashabbusi bilan chiqani, bunday tashabbus Konstitutsiyamiz va amaldagi boshqa qonunlar doirasida, har tomonlama chuqur mushohada bilan amalga oshiriladigan bo’lsa, uni qo’llab-quvvatlash lozimligini aytdi_.
²⁴ Darhaqiqat, mustaqillik yurtdoshlarimiz ongida katta o’zgarishlar yasadi. Odamlarimizda, ayniqsa yoshlarimizda tadbirkorlik bilan shug’ulanishga kuchli rag’bat uyg’otmoqda. Ularga o’z ishi, biznesini tashkil etishi uchun mamlakatimizda barcha huquqiy asoslar yaratilgan va jamoat tashkilotlar ko’mak beradi.
Hozirgi kunda partiyalar, kasaba uyushmalari, yoshlar tashkilotlari, Xotin -qizlar qo’mitasi, turli Jamg’armalar O’zbekistonning eng muhim ijtimoiy tashkilotlari va jamg’armalari hisoblanadi.