Samimiy muloqot sari

Talabalarda muloqotchanlik ko’nikmalarini rivojlantirishga qaratilgan “Samimiy muloqot sari” nomli trening mashg’uloti rejasi

Davomiyligi: 70 daqiqa.

№	Mashg’ulot nomi	Vaqt (daqiqa)	Kutiladigan natija
Kirish qismi
1.	Guruhiy normalarni qabul qilish.	2	Guruhiy normalar ishlab chiqiladi, treningning samarali kechishi ta’minlanadi.
2.	Tanishuv. “Olma” o’yini.	5	Ishtirokchilar bir-birlari haqida ma’lumotga ega bo’ladilar, kayfiyatlari ko’tariladi.
3.	Kutuvlarni aniqlash.	3	Ishtirokchilarning treningdan kutayotgan natijalari aniqlanadi.
Asosiy qism
4.	“Ma’lumotni so’zsiz uzatish” o’yini	10	Talabalarda noverbal muloqot sifatlarini shakllantirish.
5.	“Telefondagi so’zlashuv” o’yini	10	Talabalardagi muloqot jarayonida sinchkovlik xususiyatini rivojlantirish.
6.	“Qattiq tosh” o’yini	10	Talabalarga muloqotda yuzaga keladigan to’siqlarni shirin muomala va ongli tafakkur orqali yengishga o’rgatish.
7.	“Do’stimga xat” o’yini	20	Ishtirokchilarda shaxslararo munosabatlarni yaxshilash, yozma nutq ko’nikmalarini rivojlantirish.
Yakuniy qism
8.	“Shirin tilak” mashqi	5	Ishtirokchilarning ko’tarinki kayfiyatlarini barqarorlashtirish.
9.	Qayta aloqa	5	Ishtirokchilarning erishgan natijalarini tinglash.

Talabalarda muloqotchanlik ko’nikmalarini rivojlantirishga qaratilgan “Samimiy muloqot sari” nomli trening mashg’ulotining dasturi

Maqsad: ishtirokchilarda shaxslararo muloqotchanlik ko’nikmalarini rivojlantirish va o’zaro ahillikni oshirish.
Vazifalar: 1. Guruh a’zolarini o’zaro tanishtirish, ya’ni ularga bir-birlari haqidagi ma’lumotlar bilan almashinish imkonini yaratish;
2. Guruhda o’zaro ahillik muhitini yaratish;
3. Ishtirokchilar holati va kayfiyatlarini barqarorlashtirish;
4. Guruh ishtirokchilarini bir-birlarini yaxshiroq tushunishga hamda hamkorlikda ishlashga o’rgatish;
5. Guruh a’zolari o’rtasida o’zaro samimiylik muhitini yaratish.
Qoidalar:

• 
  “faollik” qoidasi (rolli vaziyatlarda har-bir kishi o’zida mavjud bilim, ko’nikma va malakasidan foydalanish);
  
• 
  “yagona mikrofon” qoidasi (biror ishtirokchi o’z fikrini bildirayotganida boshqa uning gapini bo’lmaslik);
  
• 
  “shu yerda va hozir” qoidasi (guruhdagi muomala-munosabat mashg’ulot jarayoniga bevosita aloqador, ya’ni ayni payt bilan bog’liq bo’lishi);
  
• 
  “ixtiyoriylik” qoidasi (ishtirokchilarning trening mashg’ulotida o’z mulohazalarini bayon etish, o’yin va mashqlarda ishtirok etishida ixtiyoriylikni joriy qilish);
  
• 
  “vaqtni tejash” qoidasi (ishtirokchilar o’z fikrlarini aniqlashda, qisqa bayon etish);
  
• 
  “sir saqlash” qoidasi (treningda qo’llanilgan ishtirokchilarning kechinmalari, hayotiy ma’lumotlarining mashg’ulotdan chetga chiqmasligi).