Qandlanish (qandlantirish) - kislota yoki fermentlar ta’sirida kraxmalning qandlar (maltoza, glukozagacha parchalanishi, ammo bijg'ish mahsulotlari texnologiyasida «qandlantirish» atamasi qandga aylantirish jarayonini emas, balki yod eritmasi rangining yo'qolishi ma’nosini bildiradi.
Quritishning konvektiv usuli-quritilayotgan material va issiq havo o'rtasidagi issiqlik va namlik almashinuviga asoslangan usul.
Rektifikatsiya - binar yoki ko'p komponentli suyuq aralashmani bir-biridan uchuvchanligi bilan farq qiladigan komponentlar yoki komponentlar guruhiga (fraksiyalarga) ajratish jarayoni.
Salomas - ma’lum sharoitda katalizator ishtirokida vodorod bilan to'yintirish natijasida ma’lum darajada qotirilgan yog' mahsuloti.
392
Separator-markazdan qochma kuch ta’sirida mahsulotning yengil qismini og'irroq qismidan ajratuvchi apparat.
Soapstok-moyni ishqoriy neytrallash natijasida erkin yog' kislotalarining ishqor bilan ta’sirlashib, hosil qilgan sovunli eritmasi.
Solod-sun’iy sharoitlarda ma’lum harorat va namlikda undirilgan donlar (arpa, javdar, bug'doy va boshqalar).
Solod ekstraktlari - solod yoki solod o'simtalarining suvda eriydigan moddalarini konsentratsiyalash natijasida olinadigan mahsulotlar.
Do'stlaringiz bilan baham: |
