Xamirning yetilishi-xamirni bijg'itish va «mushtlash» natijasida bo'lak- lash va pishirish uchun qulay holatga olib keladigan jarayonlarning yig'indisi.
Xamirturush-xamir tayyorlash uchun ma’lum qismi sarflanib, qolgan qismiga un va suv qo'shib qayta tiklanadigan mahsulot.
Xushbo'ylantiruvchilar-oziq-ovqat mahsulotlarini yoqimli hid bilan ta’minlash maqsadida qo'llaniladigan ziravorlar, vanilin, xushbo'y essensiyalar va boshqalar.
Yog‘ kislotalari - ko'p atamali yuqori molekular (uglerod atom soni 12 tadan 22 tagacha) karbon kislotalari.
Yog'lar polimorfizmi -yog larning qattiq holda bir necha xil kristallik holatda bo'lish xususiyati.
Yog‘larni qayta eterifikatsiyalash - tegishli katalizatorlar ishtirokida yog'lardagi asillarning joylashuv tartibini o'zgartirish.
Yog'ning kislota soni -1 g yog'dagi erkin yog' kislotalarini neytrallash uchun kerak bo'lgan kaliy gidroksidining milligrammlar miqdori.
Zator-pivo ishlab chiqarishda maydalangan don mahsulotlarini suv bilan aralashtirish, isitish va olingan aralashmani ma’lum haroratlarda saqlab turish natijasida olingan mahsulot.
Ziravorlar-tarkibida efir moylari, alkaloidlar va glukozidlar mavjud bo'lganligi tufayli o'ziga xos ta’m va xushbo'ylikka ega o'simlik mahsulotlari (arpabodiyon, dolchin, zira, za’far, zanjabil, hil, qalampirmunchoq va shunga o'xshashlar).
Do'stlaringiz bilan baham: |
