Савол Жавоблар Молия doc

13. Бюджет тизими бюджетларининг баланслилиги ва ўзаро боғлиқлиги
принципига тушунча беринг?
Баланслилик принципи – бюджет тизими бюджетларининг харажатлар ҳажми
уларнинг даромадлари ва тақчилликни қоплаш манбалари йиғиндисининг ҳажмига
мувофиқ бўлишини назарда тутади.
Ўзаро боғлиқлик принципи – бюджет тизими бюджетларини тузиш ва ижро
этишда бюджетларнинг маблағлари мазкур бюджетларнинг баланслилигини
таъминлаш учун улар ўртасида қайта тақсимланиши мумкинлигини назарда
тутади.
14. Ўзбекистон Республикаси Давлат бюджети тузилмасига кирувчи
бюджетлар тўғрисида тушунча беринг?
Давлат бюджети тузилмасига – Ўзбекистон Республикасининг республика
бюджети, Қорақалпоғистон Республикаси бюджети, вилоятлар ва Тошкент шаҳар
маҳаллий бюджетлари киради.

---

4
ҚР бюджети тузилмасига ҚРнинг республика бюджети, ҚР туманлари ва
шаҳарларининг бюджетлари киради.
Вилоятлар маҳаллий бюджетлари тузилмасига вилоят бюджети, тегишли
вилоятлар туманлари ва шаҳарларининг бюджетлари киради.
Тошкент шаҳар маҳаллий бюджети тузилмасига шаҳар бюджети ва шаҳар
таркибига кирувчи туманларнинг бюджетлари киради.
15. Консолидациялашган бюджет тўғрисида тушунча беринг?
Ўзбекистон Республикасининг консолидациялашган бюджети таркибига:
ü Давлат бюджети;
ü Давлат мақсадли жамғармаларининг бюджетлари;
ü Бюджет ташкилотларининг бюджетдан ташқари жамғармалари;
ü Ўз.Рес. Тикланиш ва тараққиёт жамғармаси маблағлари киради.
16. Давлат мақсадли жамғармалари нима мақсадда ташкил этилади?
Давлат мақсадли жамғармалари - давлат функцияларини амалга ошириш учун
Ўзбекистон Республикаси Президентининг қарори билан ташкил этилади.
Маблағлари солиқлар, мажбурий тўловлар ва жарималар, ҳомийлик маблағлари
ҳамда Ўзбекистон Республикаси Президентининг ва Ўзбекистон Республикаси
Вазирлар Маҳкамасининг қарорлари билан белгиланган бошқа даромадлардан,
шунингдек бюджет трансфертлари ва субсидияларидан шакллантирилади.
Давлат мақсадли жамғармалари юридик шахс шаклида ёки юридик шахс ташкил
этмасдан шу жумладан вазирликлар, давлат қўмиталари ва идоралар ҳузурида
тузилиши мумкин.