Shartnoma ma’lumot-axborot hujjatlariga

Bildirishnoma quyidagi zaruriy qismlar asosida yoziladi:
1. Bildirishnoma yoʻllangan muassasa nomi va rahbarning lavozimi, ismi va ota ismining bosh harflari hamda joʻnalish kelishigidagi familiyasi.
2. Bildirishnoma tayyorlagan muallifning lavozimi, ismi va ota ismining bosh harflari hamda chiqish kelishigidagi familiyasi.
3. Hujjat nomi (Bildirishnoma).
4. Matn sarlavhasi.
5. Bildirishnoma matni.
6. Zaruriyat tugʻilsa, ilovalar roʻyxati.
7. Bildirishnoma tayyorlagan shaxsning lavozimi, imzosi (agar bildirishnoma bir necha shaxs tomonidan tayyorlangan boʻlsa, ularning lavozimi, imzosi, familiyasi) va familiyasi.
8. Bildirishnoma yozilgan sana.
Savol va topshiriq
1. Qaysi hollarda ariza yozishga zarurat tug‘iladi?
2. Arizani toʻg‘ri yozish uchun qanday zaruriy qismlar boʻlishi lozim?
3. Quyidagi ariza namunalarini koʻchiring va ajratilgan soʻz va soʻz birikma­larini esda saqlang.


Namuna
Yunusobod tuman sudi raisi
Sh. Isroilovga
mazkur tuman sudi
kotibi E.Nishonovdan
Ariza
Oʻzbekiston Respublikasi Adliya vazirligi huzuridagi Yuristlar malakasini oshirish markaziga oʻqishga chaqirilganligim munosabati bilan 10-maydan 20-iyunga qadar menga ishdan ruxsat berishingizni iltimos qilaman.
2008-yil 21-may (imzo) E. Nishonov


1-mashq. Quyidagi soʻz va soʻz birikmalarini daftaringizga yozing. Ularning ma’nolarini bilib oling.
Ariza, ariza beruvchi, taklif, iltimos, shikoyat, ilova, ilova qilindi, zaruriy qismlar, soʻrayman, iltimos qilaman, ta’til, munosabati bilan.


2-mashq. Ariza yozishda foydalaniladigan quyidagi qoliplashgan birik­malarni esda tuting. Ular ishtirokida gaplar tuzing.
… qabul qilishingizni soʻrayman, … ta’minlashingizni soʻrayman, … ozod etishingizni soʻrayman, … ruxsat berishingizni soʻrayman, … iqtisod fakultetiga oʻtkazishingizni soʻrayman.


3-mashq. Quyida berilgan matnni ariza sxemasiga toʻg‘ri joylashtiring.
Ana shu imtihon va sinovlarni topshirishga ruxsat berishingizni soʻrayman. Toshkent davlat yuridik instituti 1-huquq fakultetining dekani dotsent F. T. Tohirovga. Ariza. Arizamga kasalligim haqidagi vrach ma’lumotnomasi ilova qilindi. I. Akbarov 2005.20.02. 2-kurs talabasi Ilyos Akbarovdan. Kasallagim tufayli qishki imtihon va sinovlarni oʻz vaqtida topshira olmadim.