Simsiz tarmoqlarining rivojlanish bosqichlari

Simsiz tarmoqlarining rivojlanish bosqichlari

	KIRISH………………………………………………………….
I-BOB.	SIMSIZ TARMOQLARINING RIVOJLANISH BOSQICHLARI……………………………………………………..
1.1.	Simsiz tarmoqlarining rivojlanish bosqichlari tuzilishi va ishlashi……………………………………………………
1.2.	Tarmoq avlodlari xususiyatlari va avfzalliklari………………………
1.3.	LTE tarmoq arxitekturasi
	I-bob bo’yicha xulosa……………………………………….......
II-BOB.	LTE TARMOG‘I KANAL SATHI MODELINI SIFAT TAHLIL ETISH………………………………………………………………..
2.1.	LTE tarmog‘i kanal sathi……………………………………………...
2.2.	LTE standarti haqida umumiy ma’lumotlar…………………………..
2.3.	LTE model funksionalligiga qo‘yiladigan talablar…………………...
	II-bob bo’yicha xulosa……………………………………….........
III-BOB.	LTE TARMOG‘I KANAL SATHI MODELINI YARATISH VA SIFAT KO‘RSATKICHLARINI TAHLIL ETISH……………….
3.1.	LTE kanal sathi takomillashtirilgan radioulanish tarmog‘i…………..
3.2.	LTE tizimining radiointerfeysini tashkil etilishi……………………
3.3.	LTE modelni Matlab dasturida natijalar tahlili……………………..
	III-bob bo’yicha xulosa……………………………………............
IV-bob.	HAYOT FAOLIYATI XAVFSIZLIGI ……..............................
UMUMIY XULOSA…………………………………………………......
FOYDALANILGAN ADABIYOTLAR RO’YXATI……………….....

MUNDARIJA

KIRISH
Raqamli mobil aloqa vositalari zamonaviy telekommunikatsiya tizimlari tarkibiga kiruvchi, har qanday masofaga, berilgan sifat parametrlari bilan, turli xabarlarni uzatish va qabul qilishni ta’minlovchi murakkab texnik vositalarining majmuasidan iborat¹.
Radioaloqa – bu xabarni elektromagnit to‘lqinlar vositasida simsiz uzatishdir. Radioning ixtirochisi A.S. Popov bo‘lib, u birinchi marta 7 may 1895-yilda signalni radio orqali uzatishni amalga oshirdi. O‘tgan davr mobaynida radioaloqa sohasi jadal suratlar bilan rivojlandi va insonyat taraqqiyotiga beqiyos ilmiy-amaliy, texnika, mudofaa va gumanitar progressni olib kirdi. Hozirgi davrda har kuni radio vositasida juda katta hajmli raqamli axborot manbalari, fototelegramalar, bosma gazeta matnlari, yuz millionlab TLF suhbatlar uzatiladi. Bundan tashqari radio yordamida ovoz eshittirishlar va TV ko‘rsatuvlar uzatiladi. Erning sun’iy yo‘ldoshlari yordamida nihoyat uzoq masofalar bilan aloqa ta’minlanadi.
Radioaloqa va teleradioeshittirish aloqaning ajralgan sohasi bo‘lib qolmay, balki yalpi telekommunikatsiya tarmog‘ining zarur va muhim qismidir. U o‘z ichiga shaharlar, qishloqlar, viloyatlararo, magistral radioaloqa liniyalar, kompyuterlar tarmoqlarini, ma’lumotlarni uzatishga mo‘ljallangan tarmoqlarni, va h.k. olib, elektromagnitli uzatishning havo yo‘llari, kabellar, radioreley va kosmik aloqa liniyalaridan tashkil topgan. Masalan, bu biror radio vositasida qabul qilinuvchi har xil turdagi axborotni simli aloqa kanallari orqali davom etuvchi manzilga uzatishni ham ta’minlaydi.
Bunga oliy darajada o‘xshash tizimning namunasi o‘z ichida individual radiotelefon orqali o‘zaro so‘zlashmoqni va jamoat TLF tarmog‘iga dispetcher orqali chiqish imkonini beradi. SHunga o‘xshash turdagi tizimlar bilan ayrim korxonalar, kasalxonalar, ishlab chiqarish komplekslari va boshqalar ta’minlangan (PMR, PAMR). Ko‘chma radioaloqa tizimining xususiy turi deb tushuniladigan PMR radioqoplash zonaning chegaralarini abonent kesib o‘tganda aloqaning uzluksizligini ta’minlay olmaydi, avtomatik rouminga ega emas, boshqa tizimlar abonetlariga mavjud bo‘lgan bir xil aloqa xizmatlar to‘plamini, shu jumladan to‘lovlarni kafolatli bajara olmaydi. PMR dan farqli ravishda PAMR harakatdagi abonentlarni umumiy foydalaniladigan telefon tarmoqlari abonetlari bilan bog‘lanishni ta’minlaydi. Ko‘chma tizimlarni loyihalashda asosiy kuch radiotelefon xabarlarni qabul qilishda yuqori halaqitbardoshlikni ta’minlashga to‘plangandir, shu tufayli bu yo‘nalishda jiddiy yutuqlarga erishilgan va bular ko‘chma aloqani simli TLF aloqa darajasiga qabul qilinuvchi axborot sifati jihatdan yaqinlashtirdi. Bu esa shunga olib keldiki, radioabonentlarning ommaviy ko‘payib ketishi ko‘chma aloqaga ajratilgan chastota resursining nihoyasiga etkazdi.