«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
54
mustahkamlash bilan birgalikda, ularning katta hayotiy tajribalaridan yoshlar 
ma’naviyatini yuksaltirishga, ularni Vatanga muhabbat ruhida tarbiyalashga hissalarini 
qo‘shishga alohida e’tibor qaratilmoqda.
Xususan, O‘zbekiston Respublikasi Prezidentining 2022-yil 15-martdagi 
“Nuroniylarni har tomonlama qo‘llab-quvvatlash, ularning turmush darajasini 
oshirishga doir qo‘shimcha chora-tadbirlar to‘g‘risida”gi 167-son qarori
20
ijrosini 
ta’minlash maqsadida quyidagi ishlar amalga oshirildi:
– “Bir nuroniy o‘n yoshga mas’ul” tamoyili asosida ishsiz, tarbiyasi og‘ir va 
muammoli yoshlarga biriktirilgan nuroniylarni mahallalardagi yoshlarning tarbiyasi 
va axloqida bo‘lgan ijobiy o‘zgarishlardan kelib chiqib, “Nuroniy” jamg‘armasi 
mablag‘lari hisobidan rag‘batlantirib borish yo‘lga qo‘yildi;
– xodimning pensiya yoshiga to‘lganligi munosabati bilan ish beruvchining 
tashabbusi bilan mehnat shartnomasini bekor qilishni taqiqlash bo‘yicha qonun loyihasi 
ishlab chiqildi;
– o‘zgalar parvarishiga muhtoj bo‘lgan yolg‘iz keksalar va yolg‘iz yashaydigan 
keksalarni “Nuroniy” jamg‘armasi mablag‘lari hisobidan har yili bir marotaba 
sanatoriylarda bepul sog‘lomlashtirish yo‘lga qo‘yildi;
– sharoiti og‘ir va kam ta’minlangan keksalarga shifokorlarning retseptlariga asosan 
3 oylik ehtiyojdan kelib chiqib dori vositalari, tibbiy va maxsus protez-ortopediya 
moslamalari olib berish hamda jarrohlik amaliyotlarining xarajatlari qoplash tartibi 
joriy etildi;
– og‘ir tashxisli kasalliklari hamda nogironligi bo‘lgan keksalarga shifokorlarning 
retseptlariga muvofiq, 3 oylik ehtiyojdan kelib chiqib dori vositalarining 50 foizigacha 
bo‘lgan summasini kompensatsiya qilish yo‘lga qo‘yildi;
– keksalarning jismoniy tarbiya va sport yo‘nalishidagi muassasalarda (stadion, 
sport zallari, basseyn va boshqa sport majmualari) jismoniy tarbiya va sport bilan 
shug‘ullanishlari uchun abonement xarajatlarini qoplash tartibi ishlab chiqilib, 
amaliyotga joriy etildi;
– davlat teatrlari va muzeylariga keksalar uchun chipta narxlari to‘liq qoplab 
berilishi yo‘lga qo‘yildi;