Statik biokimyо

59-tajriba. Siydikning ishqoriyligini aniqlash. 
Ishqorli siydikda ishqor miqdori aniqlanadi. 
Kerakli asbob va reaktivlar: probirkalar, kolbachalar, silindr, pipetkalar, byuretka, 
o‘lchov kolbasi (100 ml li), siydik, natriy alizarinatning suvdagi 1% li eritmasi, natriy 
ishqorning 0,1 normal eritmasi, HCI ning 0,1 normal eritmasi, distillangan suv. 
Ishning bajarilishi. 
Kolbachaga 10 ml siydik solib, 40 ml distillangan suv bilan suyultiriladi. Uning ustiga 
natriy alizarinatning suvdagi 1% li eritmasidan 3-4 tomchi tomiziladi. So’ngra suyuqlik sariq 
rang hosil bo’lguncha HCI ning 0,1 normal eritmasi bilan titrlanadi. 
Hisoblash. Odatda siydikning ishqoriyligi NaOH ning gramm miqdorida bir sutkalik 
siydikka nistatan hisoblanadi. Misol uchun 10 ml siydikni titrlash uchun 2 ml 0,1 normal HCI 
sarf bo’lgan bo’lsa 

Х= 1500 х 2 х 0,004 / 10 = 1,2 

X- siydikning ishqoriyligi (gramm hisobida) 
1500 - bir sutkali siydik miqdori (millilitr hisobida) 
2 – 10 ml siydikni titrlash uchun sarf bo’lgan 0,1 normal HCI miqdori (ml hisobida) 
10 – tekshirish uchun olingan siydik miqdori(ml hisobida) 
0, 004 – 0,1 normal NaOH ning titri. 
Demak bizning misolimizda siydikning ishqoriyligi 1,2 g . Normada u 1,5 g. bo’ladi. 
 
Nazorat uchun savollar. 
1. Bir sutka davomida necha litr birlamchi siydik hosil bo’ladi.? 
2. Bir-kecha kunduzda ayollar o’rtacha qancha ml siydik ajratadi? 
3. Bir-kecha kunduzda erkaklar qancha ml siydik ajratadi? 
4. Siydik tarkibidagi anorganik va organik moddalarni ayting? 
5. Siydik tarkibidagi qand miqdori qanday aniqlanadi?
6. Siydikning reaktsiyasi deganda nimani tushunasiz? 
7. Siydikning kislotaligini qanday aniqlanadi? 
8. Siydikning ishqoriyligi qanday aniqlanadi?