Strategiyaliq basqariw. Boston modeli

5.1-súwret. Strategiyalıq menejmenttiń mazmunı



5.2-súwret. Kompaniya strategiyasınıń tiykarǵı quramlı bólimleri
Biznes tarawın belgilew, maqsetti belgilew, qısqa hám uzaq múddetli wazıypalardı (dástúrlerdi) anıqlaw, maqsetke erisiw strategiyasin belgilep alıw strategiyalıq rejeni payda etedi. Kompaniya strategiyasınıń tiykarǵı quramalı bólimleri 5.2-súwrette keltirilgen.
5.2. Strategiyalıq menejmenttiń bes wazıypası.
Firma strategiyasini jaratıw óz-ara baylanısqan 5 bólimnen ibarat:
1) kommertsiyalıq xızmetiniń túrin anıqlaw hám firma rawajlanıwınıń baǵdarın belgilew, yaǵnıy maqsetti anıqlap uzaq múddetli keleshekti belgilew;
2) ulıwma maqsetlerdi istiń anıq baǵdarlarına aylandırıw;
3) gózlengen kórsetkishlerge erisiw ushın tańlanǵan rejeni ámelge asırıw;
4) tańlanǵan strategiyanı nátiyjeli atqarıw;
5) orınlanǵan isti bahalaw, bazardaǵı jaǵdaydı analizlew, xızmettiń uzaq múddetli tiykarǵı baǵdarlarına, maqsetlerge, strategiyaǵa yaki onı ámelge asırıw usıllarına dúzetiwler, jańa ideyalar kiritiw.
a) Kompaniya strategiyasınıń tiykarǵı máselesi tómendegishe: «Kompaniyamızdı biz qanday kóz aldımızǵa keltiremiz, ne qılmaqshımız hám oǵan nege erispekshimiz?»
«Biz kimbiz, ne qılamız hám qayaqqa ketip baratırmız?» - degen sorawdıń juwabı firmanıń baǵdarın belgilep, kúshli ózine sáykeslikti islep shıǵıw múmkinshiligin beredi. Kompaniya ne qılıp atırǵanı hám ne qılmaqshı ekenligi kompaniyanıń missiyasın bildiredi. Menejer óz kompaniyasınıń bazardaǵı ornın qanday kóz aldına keltiriwi bolsa kompaniyanıń strategiyalıq kórinisin túrlendiredi.
Menejerlerdiń tiykarǵı funktsiyası tómendegilerden ibarat:

Rejelestiriw payda etiw motivatsiya qadaǵalaw
b) Anıq maqsetlerdi belgilew kompaniya missiyasınıń ulıwma táripinen istiń anıq rejelerine ótiw múmkinshiligin beredi.
Qoyılǵan maqset biz qálegen nátiyjeden ibarat boladı. Eger jaqsı nátiyjelerge erispekshi bolsańız óz aldıńǵızǵa jaqsı maqsetler qoyıń. Maqsetler qısqa múddetli hám uzaq múddetli boladı. Maqsetlar jáne finanslıq hám strategiyalıq boladı.