Strategiyaliq basqariw. Boston modeli

Strategiyalıq menejerge qoyılatuǵın tiykarǵı talaplar.
Búgingi kúndegi quramalı hám tez ózgeriwsheń jaǵdayda básekilesiw ushın firma strategiyanı islep shıǵıwdı basqarıwshılardı - strategiyalıq menejerlerdi anıqlap alıwı kerek. Olardıń wazıypası – pútkil shólkem xızmetiniń belgili bir baǵdarda barıwın támiynlewden ibarat (olar kóbinese kompleks menejerler dep ataladı). Olar biznestiń ayırım funktsiyalarınıń (xızmetkerler, támiynat, islep shıǵarıw, sawda, klientlerge xızmet kórsetiw, esap) orınlanıwın támiynleytuǵın funktsional menejerlerden parq qıladı hám pútkil shólkemdi strategiyalıq tárepten basqarıp, kompaniyada ózine say orın iyeleydi.
E. Vrapptıń pikirinshe (Chikago universiteti), eń áwmetli strategiyalıq menejerler tómendegilerge iye bolıwı kerek:
- kóp nárseden jaqsı xabardar bolıwı;
- óz waqıtı hám energiyasın basqara alıwı;
- jaqsı siyasatshı bolıwı (konsensus taba alıwı);
- ekspertlerge uqsap «bir nársege jabısıp almawı»;
- dástúrdi jeke baǵdarlarda alǵa alıp shıǵıwı kerek.
Kóp nárseden xabardar bolıw basqarıwdıń túrli baǵanalarında keń kólemli basqarıw qararların qabıl qılıp alıwǵa múmkinshilik beredi. Menejerler shólkemniń túrli bólimlerinde informatsiya derekleri tarmaǵın payda etiwi kerek, bul olarǵa operativ waqıyalardan xabardar bolıp turıwǵa múmkinshilik beredi.
Olar óz waqıtı hám energiyasın túrli isler, qararlar hám mashqalalar ortasında tuwrı bólistire alıwı kerek. Olar qashan juwapkerlikti bólistiriw kerekligi, qaysi waqıtta bolsa jeke mashqalalarǵa aralasıw kerekligin biliwi kerek.
Jaqsı siyasatshı óz pikirleri tiykarında konsensus tawıp alıw sanaatın iyelegen bolıwı, olardıń óz abıroyı menen alǵa alıp shıǵıw ushın basım kórsetpewi kerek. Ol diktator emes, bálki koalitsiyanıń aǵzası yaki basshı sıpatında is tutıwı kerek.
Ózgeriwsheń dúńya strategiyalıq menejerden sáykesiwsheńlikti talap qıladı. Ol manevrlerge hám payda bolǵan jaǵdayǵa sáykeslesiwge tayar turıwı kerek. Bul bolsa firma belgili bir maqsetlersiz is tutsada, biraq olardı ózgertiriwge tayar turıwı kerekligin bildiredi.
5.4. Strategiyalıq rejelestiriw hám onıń múmkinshilikleri.
Strategiyalıq rejelestiriw bóliminiń roli hám wazıypaları informatsiyalar toplaw hám olardı islew, strategiyanı hár jılı qayta kórip shıǵıw sistemasın jaratıw hám keleshekte onı basqarıwdan ibarat boladı. Direktorlar keńesi áhmiyetli strategiyalıq baǵdarlardı kórip shıǵadı hám joqarı basqarıw sisteması usınıs etken strategiyalıq rejelerdi rásmiy tárepten tastıyıqlaydı. Mine usı jaǵday dawamında keńes aqırında qabıl qılınǵan strategiya ushın juwapker boladı.
Direktorlar keńesiniń wazıypası - bul barlıq kárxanalar jeterli dárejede analizlenip hám kórip shıǵılǵanlıǵına hámde usınıs etilgen strategiyalıq ilajlar bar variantlardan eń jaqsısı ekenligine isenim payda etiwdeni ibarat.