Strategiyaliq basqariw. Boston modeli

5.3. Strategiyalıq basqarıw protsessiniń táripi.
Joqarıda kórip ótilgen strategiyalıq basqarıw wazıypalarınıń hár biri turaqlı analiz hám qararlar qabıl qılıwdı talap etedi: isti belgilengen baǵdarda dawam ettiriw kerekpe yaki oǵan ózgertiriwler kiritiw kerekpe? Sebebi strategiyalıq menejment turaqlı hárekettegi protsess.
1) bul bes wazıypa bir-birinen ajıralǵan halda bolmay, olar óz-ara tıǵız baylanısqan. Máselen, kompaniyanıń missiyalarına baylanısqan máseleler belgili maqsetler menen tıǵız baylanısqan;
2) bul bes wazıypa óz aldına ámelge asırılmaydı;
3) strategiyanı islep shıǵıw hám ámelge asırıw awır protsess hám menejerlerden túrli háreketlerdi talap qıladı;
4) strategiyalıq menejmentke turaqlı jeterli itibar beriw strategiyanı jetilistiriw zárúrligi hám onı ámelge asırıw usılların jańalaw strategiyanıń sıpatı, nátiyjeliligin asırıw ushın hár bir xızmetkerden talap qılınadı.
Strategiyalıq basqarıwdıń tiykarǵı basqıshları.
Strategiyalıq basqarıwdıń tiykarǵı basqıshları tómendegilerden ibarat:
1. Biznes tarawın anıqlaw hám firmanıń tiykarǵı maqsetin islep shıǵıw.
2. Firmanıń tiykarǵı maqsetin óz aldına uzaq múddetli hám qısqa múddetli xızmet maqsetlerine aylandırıw.
3. Xızmet maqsetlerine erisiw strategiyasın belgilew.
4. Strategiyanı islep shıǵıw hám ámelge asırıw
5. Xızmetti bahalaw, jaǵdaydı gúzetip barıw hám oǵan dúzetiwler kiritiw.
Bul basqıshlar ortasındaǵı óz-ara baylanıslılıq 7.3-súwrette kórsetilgen.



5.3-súwret. Strategiyalıq menejment protsessi
Firmanıń atqarıwshı direktorı strategiya boyınsha eń tásirli hám juwapker menejer bolıp esaplanadı. Tiykarǵı direktor lawazımı wazıypaların qoyıwshı funktsiyalardı orınlawdı kózde tutadı. Ol maqsetlerdi belgileydi, strategiyanı, onı orınlaw jolların islep shıǵadı.
İslep shıǵarıw, marketing, finans, kadrlar hám basqa funktsiyalar boyınsha vitse-prezidentler de strategiya islep shıǵadı hám onı ámelge asırıw boyınsha juwapker esaplanadı. Hár bir menejer óziniń juwapkerlik tarawı boyınsha strategiyanı islep shıǵıw hám onıń orınlanıwın gúzetip baradı.
Diversifikatsiyalı kompaniyalarda bir neshe tarmaqlarda basqarıw talap etilip, strategiya boyınsha menejerlerdiń 4 dárejesi bar boladı:
- atqarıwshı direktor yaki joqarı basqarıw baǵanası basshısı;
- óz aldına kárxanalardıń payda hám zıyanları ushın juwapgar menejerler;
- belgili islep shıǵarıw bólimi boyınsha funktsional menejerler;
- tiykarǵı operativ bólimler hám regional bólimler menejerleri.
Jeke kompaniyalar hám kárxanalarda ádette strategiya boyınsha biya yaki eki menejer boladı.