Strategiyalíq menedjment 5230200-Menedjment (tarmaqlar hám tarawlar boyınsha) bakalavr talim bagdarı studentleri ushın oqíw qollanba

7.2 Jańa tarmaqlarǵa kiriw strategiyası 
Jańa tarmaqqa kiriw tómendegi úsh formadan birinde dawam etiwi múmkin: 
a) 
«jutıp jiberiw»; 
b) 
jańa kompaniya dúziw; 
s) 
qospa kárxana dúziw. 
Hárekettegi firmanı «jutıp jiberiw» eń ǵalabalıq usıl bolıp, jańa bazarǵa tez 
kiriw uqıplıǵına iye. Sonday aq ol texnologiyalıq qalaqlıqtı saplastırıw, 
támiynachılar menen baylanıslar islew, jańa tarmaqta básekige shıdamlılıqqa erisiw 
sıyaqlı tosıqlardı jeńiw ushın járdem beredi. Kóplegen tarmaqlarda zárúr 
informaciyalıq bazanı rawajlandırıw, ózin resurslar menen támiynleu hám kúshli 
básekilestiń abıroyın hám ornın iyelew ushın firmalarǵa bir neshshe jıl kerek boladı. 
«Nolden baslaw» diversiyası tańlanǵan tarmaqta «boss» kompaniya 
basshılıǵında jańa kompaniya dúziwdi kózde tutadı. Bul tómendegi jaǵdaylarda 
tartımlı esaplanadı: 
- 
jeterli waqıt bolǵan sharayatta; 
- 
jańa firmanıń bazardı iyelewge bolǵan háreketlerine básekiles firmalar 
reakciya bildirmegen jaǵdayda. 
Bunday jol menen bazarǵa shıǵıw basqa kompaniyanı satıp alıwdan arzanǵa 
túsedi. 

---

88 
Firma nátiyjeli iskerlik kórsetiwi ushın jeterli tájriybege iye. 
Jańa óndiris quwatlılıqların shólkemlestiriw tarmaqtaǵı talap hám usınıstıń teń 
salmaqlılıǵına keri tásir kórsetpeydi. 
Maqsetli tarmaqta salıstırmalı túrde úlken bolmaǵan firmalar bolǵanlı ushın jas 
kompaniyalarǵa iri básekilesler menen básekileswge tuwra kelmeydi. 
Qospa kárxanalar dúziw tómendegi jaǵdaylarda paydalı nátiyje beriwi múmkin. 
Qospa kárxanalar resurslardı birlestiriw jánede kúshlirek báseki ústinliklerge 
iye bolǵan shólkemdi jaratatuǵın jaǵdayda qolaylı. 
Sırt el sherikleri menen qospa kárxanalar bazıda import kvotaların, tariflern 
milliy-siyasıy mápler hám mádeniy tosıqlardı jeńip ótiwdiń birden bir imkaniyatı 
bolıp tabıladı.