Suitsid bo’yicha metodikalar

“Sizning sutsitsidal moyilligingiz” testi (Z.Korolyova)

• Maqsad: sub’ektning suitsidal moyilligini aniqlash.
• Yo’riqnoma. Sizning oldingizda jumboqli shakl. Uning markazi qoraga bo’yalgan. Rasmni tugating, shaklni bitkazing. Shaklning hamma qismini shunday bo’yashingiz kerakki, rasm o’zingizga ham ma’qul bo’lsin.

“Jumboqli shakl”

Natijalar qayta ishlanishi

• Agarda sizning rasmingizda bo’sh joydan ko’ra, bo’yalgan joyi ko’p bo’lsa, bu shundan dalolat beradiki, hozirgi vaqtda sizning ruhingiz qayg’uga botgan. Sizni nimadir qiynayapti, siz qandaydir voqeadan tashvishlanyapsiz yoki siz uchun bironta muhim narsadan xavotirlanayapsiz, biroq, bu holat vaqtinchalik va albatta, o’tib ketadi. Siz suitsidga moyil emassiz, siz hayotni sevasiz va kimdir ko’ngilli ravishda hayot bilan vidolashishga tayyorligini tushunmaysiz.
• Agarda siz berilgan shaklni bo’yamasdan, shunchaki chetlab o’tsangiz, bu sizning temir irodangiz va baquvvat asabingizdan darak beradi. Siz hech qachon bo’shashmaysiz va o’z joningizga qasd qilish haqida o’ylamaysiz. Buni siz o’zingizga, yaqinlaringizga, atrofdagilarga nisbatan jinoyat, deb hisoblaysiz. Hayot qanchalik og’ir bo’lmasin, yashayverasiz, qiyinchiliklar bilan kurashishga tayyorsiz, hamma to’siqlarni engib o’tasiz.
• Agarda siz, shaklning uchta kichkina qismini bo’yasangiz, demak, bu ma’lum bir vaziyatlarda joningizga qasd qilish haqida o’ylab ko’rasiz, mabodo, hamma sizdan yuz o’girsa, unda bunga urinib ham ko’rasiz. Ammo siz optimissiz, va shuning uchun kamdan-kam vaziyatlar dahshatli bo’lib ko’rinadi, siz yo’lakning oxirida yorug’likni ko’rasiz.

• Agarda siz shaklning chap tomonini hammasini bo’yasangiz, bu sizning ko’nglingiz nozikligi, haddan tashqari ta’sirchanligingiz, adolatsizlikka chiday olmasligingiz va bundan tashvishlanishingizni anglatadi. Siz suitsidga moyilsiz, ammo sizni yaqinlaringizga bo’lgan mehringiz to’xtatib turadi. Ularni tashvishga qo’yishni istamaganingiz uchun, suitsidalga moyillikni inkor etib turasiz.
• Agarda siz shaklning o’ng tomonini hammasini bo’yasangiz, bu sizning suitsidga moyilligingizdan, o’zingizning manfaatingiz uchun foydalanishingizdan darak beradi: yaqinlaringizni sizning talablaringizni bajarishga majburlash uchun ularni shantaj qilasiz. Siz nohaqsiz, siz bilan yashash juda qiyin.
• Agarda siz shaklning berilgan qismini bo’yashda davom etsangiz, bu sizning o’lim haqida o’ylashingizdan, o’limga bo’lgan ishtiyoqingiz, yashashga bo’lgan ishtiyoqingiz kabi kuchliligidan darak beradi. Biroq, ko’rinishingizdan suitsidga moyillik namoyon bo’lmaydi, faqat bu qulay vaziyatda yuzaga chiqadi.