Kir yuvish sodasining 1,5%-li eritmasini tayyorlash uchun 1 litr issiq (40°S) suvga 15g soda qo’shiladi. Eritma 3%-li natriy bikarbonat eritmasi kabi idish va asboblarni yuvishda ishlatiladi. Shuningdek, yog’och kuli eritmasidan ham foydalanish mumkin. Eritmani tayyorlash uchun 1-2 kg kul 10 l qaynoq suvda yeritiladi. 30 daqiqa tindirilgandan keyin paxta yoki doka filtrdan o’tkaziladi.
Xrompik eritmasi 10 l suvga 60 g kaliy bixromat qo’shish bilan tayyorlanadi. Keyin uning ustiga konsentirlangan sulfat kislotasidan 1 l sekinlik bilan qo’shiladi. Bu eritmada tuxum sarig’i yoki spermadan bo’shagan idishlar 24 soat davomida zararsizlantiriladi, keyin distillangan suv bilan chayqatilib, quritiladi. Xrompikdan yehtiyotkorlik bilan foydalanish zarur, aks holda tanaga tushgan joylarida kuyish kuzatilishi mumkin. Idishlarni yuvish paytida albatta himoya ko’zoynaklari, rezina qo’lqop va fartuk kiyish zarur.
Do'stlaringiz bilan baham: |
